اه بس مادمر حياتي وشخصيات عيالي غير العصبيه 

ادعولي تكفوووون

شوفي كلنا نعصضب ونضرب بس لازم نضبط نفسنا قد مانقدر وفي طرق بديله للعقاب ومع انها صعبه بس فعاله واهم شي تداومي عليها مثل حصة الهدوء او كرسي العقاب يعني حذريه قبل ما يسوي المشاغبه وكلميه انه لو مسك الكهربا راح تحطيه في الكرسي ولا ينزل الا باعتذار وقبله منك اهم شي القبله يعني عقابك مو معناه انو كرهتي هو ولدك وتحبيه بس ما تحبي الغلط اللي يسويه والله يهديه ويصلحه
وحاولي ابوه يكون معاكي في اسلوب العقاب يعني تكونو متفقين

واتذكرت في كتب في مكتبة جرير جدا حلوه وتساعد وفي كتاب سوبر ناني مترجم ممتاز نفس افكار برنامجها

انا نفس الشي عصبيه نار ومااتحمل ومن بعد الطلاق قبل سنه صايره فلفل بزياده وولدي صاير مشاغب بزياده صار يخاف مني وفي نفس الوقت يعاندني وانا اذا عصبت عليه اصارخ عليه واضربه لما تصير العصبيه فللللل..بعد اقل من شهر راح يكمل 3سنين وحاليا انا عاقده على ولد خالي والعرس قريب..صرت بصعوبه احاول امسك اعصابي مااريد في يوم اضرب ولدي قدام احد علشان ماينكسر...
الله يبارك في ولدي يارب ويهديه ويهديني ويبرد على اعصابي واقدر اربيه تربيه صالحه ترضي الله ورسول قولوا امين