عصبيتي الزايدة ومعاناتي معها

صباحكم شهد بنات حواء
الله يجعله يوما سعيدا للجميع
سبق وان عرضت شبيه من مشكلتي الي اعرضها اليوم

بنات انا عندي بنوتات ثنتين توأم الله يبارك فيهم يارب عمرهم الحين اربع سنوات طبعي حنون وعطوف بس عصبيه بزياده دخلتهم هالسنة الروضه وانا اداوم لحد الساعه 2 ونص بس اوصل البيت متأخر شوي يعني يوم اوصل احصلهم نايمين تخيلو قبل لا اوصل اكون واعدة نفسي اني ماعصب عليهم ابدا مهما صدر منهم بس تمر ساعه وحده وابدي اتنرفز على تصرفاتهم مشكلتهم عنيدين كثير وربشه زيادة كل شي قدامهم يبو يلعبون فيه وانا ارجع من الدوام تعبانه وهالفترة حامل ف الشهر السابع الله يقومنا بالسلامة يارب
مشكلتي واجد افكر فيهم حلم حياتي اغرس فيهم مبادئ وقيم راقيه اريدهم يكونو هاديين وين ما يكونو بس عييت حتى يوم اروح بيت اهلي رباشات كثير بس احيانا اشوف ربشتهن طبيعية جدا بس انا الي ما قادرة اتمالك نفسي

يا بنات خبروني نصحوني كيف اقسم وقتي معهم كيف اتعامل معهم كيف اخليهم هادبات مطيعات مع العلم هن كثير حبوبات والكل يحبهن ويموت عليهن
ماريد اتكلم عنهن وعن تصرفاتهن قدام اي حد بس انا اسوي كذا فعلا واتضايق من نفسي ودي اتغير يا بنات من هالناحيه انا كثير اهتم اوفرلهن احلى اللبس واحلى الاشياء بس هالشي ما يكفي ودي اغمرهن بحناني زيادة :confused:
عطوني نصايحكم القيمة وان شاء الله ربي يقدرني واطبقها
دمتم بود