ابوك وضعه طبيعي كل الاباء يتضايقون
انا ملكتي طولت مثلك خليت الزيارات اخررر شي قبل الزواج بشهر
واختي مثلك بكل بساطه قالت لخطيبها اهلي مايحبون كثرت الزيارات
وهو تفهم الوضع لاتقولين ابوي عشان مايحقد عليه ولاتقارنين بين زوج اختك
انتي غير لان ملكتك مطوله 

والله ان خطيبتس كمخه وش هالخطيب الغثيث اللي ينشب لين 4 الفجر ؟


سلامات ؟ المفروض هو يستحي ع نفسو ويعرف ان هالشيء اللي يسويه عيب

بعدين كل اسبوع؟ ليش وين عايشين ؟ و8 شهور ؟ الله السلامه فيها حياة و موت

بكره تحملين وممكن يصير لو حادث ويموت وش تسوين؟ ممكن تصير مشاكل ويطلقتس
وش تسوين؟ تبلشين ف عمرتس ؟

بعدين انا اشوف انتس وحده معجبها الوضع كل م احد قالتس شيء قلتي عادي اختي كان زوجها يطول عندها

وهو اخو زوج اختس اثر العائله كلهم نشبه

لاتتعاملين ع حسب عاداتهم كنهم حضر وهالشيء عندهم عادي

انتي مو حضريه وهالشيء عندكم عيب

امشيء ع اللي انتي تربيتي عليه مو ع اللي هم تربو عليه

وبعدين انتو م تطفشون؟ كل اسبوع مقابلين بعض ؟ ي اختي لاحقين ع مقابلة وجيه بعضكم

وم فيها فشيله ابد ب العكس خليه يعرف ان ابوتس رجال م يرضى به السخافات

قوليلو ابوي مو عاجبو الوضع ابد وانت تعرف ان هالامور مو كلن يرضابها وابوي واحد منهم

يكفي الجوال والواتس واذا مره مسوي فيها العاشق المشتاق خلاص يزوكم ب الشهرين مره

ابوتس يفكر من منظور اخر م طرا ع بالتس

الدنيا حياة وموت والشيطان حي مامات

وم احد يدري عن الاقدار والظروف

وان صار شيء م احد ب يروح فيها الا انتي

لاتسمعين كلام المفهيات اللي يقولن لتس

رجلتس وحلالتس

المغيبات م احد يعلم فيها

طالما انتي ف بيتكم وللحين م دخل عليتس

اجل احترمي بيتكم واهلتس

اجل لين 4 الفجر الله من البثاره

شوفي حبيبتي

ترا هو لوبمكان ابوك بيتصرف نفس التصرف

قوليله ابوي يقول فترة الملكة طويلة فمن الافضل تبلغيه يخفف زيارات بالشهر مره او مرتين

واذا قال اخوي قول اخوك ماطولت ملكته....

بأسلوب حلو

اهم شي رضي الوالدين عشان الله يوفقك بحياتك
ولبازم مايطول بزيارته للفجر

حاولي تتفاهمي معه وتقولي يقلل زيارته احسن لك وله

مع ابوك حق.