السلام عليكم
يارب الجميع يكونون بخير
في البدايه احب اشكر كل من ردت علي في موضوعي السابق ودعت لي الله يستجيب دعواتكم ويكون لكم نصيب منها سواء عالخاص او العام
اخواتي سيق وكتبت موضوع السنه الماضية عن مشكله كانت بيدي التهاب عصب او النفق الرسغي
وهذا الموضوع
http://forum.hawaaworld.com/showthread.php?t=2826589
الحين يالغاليات عندي مشكله جديدة اشتكيت يدي في نفس هذا الوقت السنه الماضيه وقالولي عمليه وانحشت عنهم ورعت حرمه تسوي مساج ولقت في يدي عقد في الذراع قالت يمكن دم متجمد
المهم مع المساج حسيت اني ارتحت وصرت افضل شوي هي قالت لي انه البراد ماثر عليك وموقف الدم بعروق والتنمل الي تحسين فيه لانه الدم مايمشي في كفك
تخيلو دايم كفوفي بارده ماتصير دافيه ابد ابد الحمدلله على كل حال
بعدها رحت دكتور ممتاز في مستوصف البستان طبيب عظام واعطاني فيتامينات د وب والحمدلله تحسنت شوي وبعدها عطاني ابر كرتزون في اليدين وياربي لك الحمد تحسنت مرة ولاعاد اشتكيت
الحين من منتصف ذوالحجه وانا بديت اتالم مثل قبل من يدين وخاصه اليسار
ورحت طبيب قبل امس وقالي لازم عمليه ضروري ومن عقبها وانا قلقه وخايفه ماانام زين
وقريبي دكتور قالي لازم تسوين العمليه ولابتضعف العضلات عندك ولاعاد تتحكمين بيدك
اخواتي المشكله اني خايفه كثير لااسباب
اولا خايفه من شكل هالعمليه شفتها باليوتيوب ماارتحت لها وخاصخ انه تبنيج موضوعي
وخايفه انها ماتنجح ايضا
ثانيا انا عندي اطفال ولاعندي شغاله ولازم اجلس شهر كامل مااستخدم اليد ولو استخدمتها ممكن تصير اعاقه لاني اعرف وحده كذا صارت تلبس ولدها وتغيرله ولفت يدها للخلف بدال ماهي قدام الاصابع
السبب الثالث المنطقه كلها عروق وخايفه يصير نزيف
امي وقريباتي يقولون شكلها عين شمعنا رجعت الالم في نفس الوقت بعدين انت ماشا ءالله عليك طباخه يمكن احد حسدك على كذا
اول يااخواتي يديني كانت تعرق من الدفا سواء شتاء صيف ماشا ءالله اذكر كل صديقاتي يتطاقون على يدين في الشتاء عشان يمسكونها لانها حاره الحين مافي امل تصير مو حاره دافيه بس لابصيف ولاشتاء الحمدلله يارب والشكوى اليك
انصحوني وين اروح وش اسوي
قريبي يقولي صلحي الهمليه عند الدكتور عبدالله النمله جراح تجميل بالحرس بس مقدر اروح الحرس بس له عياده في رعايه الرياض
ووحده من الاخوات مدحت لي الدكتور مريع القحطاني في ابها سواها لكذا وحده من قرايبها وماشا ءالله نجحت
بالله عليكم تدعون لي ربي يشفيني من دون عمليه ادعولي زوجي يرحمني ويلين قلبه يوديني مكه اغسلها بزمزم وادعي ربي عند الملتزم لي اكثر من ثلاث سنوات مارحت مكه
الله لايحرمها الاجر الي ترد علي وتجبر بخاطري وتدعي لي ولكل مسلم ومسلمه
والي سوت العمليه عند احد تقولي اسم الطبيب والمستشفى واي مدينه الله يوفقكم كلكم يارب
nnnnorah1 @nnnnorah1
محررة
يلزم عليك تسجيل الدخول أولًا لكتابة تعليق.
سمر2014
•
الله يشافيكي يارررب ... اكثري من قول (( حسبي الله ونعم الووكيل))
لا يمكنك مشاهدة هذا التعليق لانتهاكه شروط الاستخدام.
الله يجزاك كل خير ويسخرلك زوجك ويجعلك الوحيده بعينه واجمل النساء ويرزقك الابناء البارين الصالحين ويطول بعمر امك على طاعته ويسخر والدك لامك كما سخر الريح لسيدنا سليمان
ويكفيكم شر كل من فيه شر
ويكفيكم شر كل من فيه شر
الصفحة الأخيرة