وطبعا غاية هـ الحلـم يكون منيكان
‘
انا اعتبر من فئه العصلآت
حبيت اطرح تجربتي عل وعسى تفيد آحد
وآكسب من وراها الدعاوي الحلوة
إول شي إوووووول شي
روحي اي مستشفى حكومي تتبعه منطقتكم
وبطلي لج ملف .. حتى لو مااستفدتي منهم .. استفيدي من ميزانهم
هو اللي يجيب لج الوزن ميه بالميه
هذا كرتي
( الصوره طلعت شكبرها بصغرها وارد احطها )
2 \ 9 \ 2009
جيتهـم كان وزني 54 وطولي 166
شنو احببببباط
كرهت عمري ، كنا برمضان وورانا عيد
اكتبوا لي بالملاحظات اني آكل
( حليب انشور + المكسرآت + الحلبه + العسل )
طبعا ماسويت شي الا حليب انشور اهيا عطتني اياه ..
لذييييييييذ لذييييييذ هالحليب
وفعلآ زاد وزني عليه 3 كيلوو
اذكر اول ماجيت قالت لي الاخصائيه هناك
كانت بدوية ومنقبه .. ماعليج خلج وياي راح تمتنين باذن الله وابي الحلآوة
قلت عيووووني لج بس خل امتتتتن
جيتهم الشهر الثآني 5 \ 10 \ 2009
صار وزني 57
وكان عندي موعد لـ 3\ 11 \ 2009
بس ماجيت
بنات كرهت نفسي ماحبيت شكلي موووووووول
احس ماني انثى
كنت ادور على الحلول السريع
واي شي اسمعه اجربه
وتعليقات خواتي ياعصلآ .. امتني شوفي فلآنه تزيدني هــــم
طبعا هم يحبون لي الخير .. بس مايدرون ان التشجيع اهم من التحبيط
وحسيت نفسي ضعفت عن أول
وكان عندنا عرس احاتي شلون شكلي
لان ماشاء الله بنات جماعتنا االلي بعمري مربربات
*
شهر 12 \ 5 \ 2010
وزني 61
اجممممممل وزن وصلت له
جسمي صار منيكان صج ماشاء الله تبارك الرحمن
صج صدري صغييير حييييل الله يخلي ستيان البوشب
والله يكبره ان شاء الله
شنو سويت ؟
كلكم تبون تعرفون السر
اخذوا هالخطوات
عن مجرب والللللله
وادعوا لي
*
1\
حبي نفسسسسسسسسسسسسج
بعيوووبها ، ضعيفه عصلآ حبيهآ ..
اذا انتي ماتقبلتي عمرج منو بيتقبلج
والله يابنات اشوف نفسي بالمنظره اول كله اطالع
اماكن العيوب فيني ، وانقهر واكتئب
بعدين ..
صرت اشوف نفسي وآحس نفسي جميييييله
بس يبيلي خدود ، وشوية متن
اتخيل نفسي متينه ، ويعطيني هالشي دااااافع قووووي
والله يابنات النفسيه لها دووووووووور
صرت اكل واهتم بالاكل عشان شكلي حلو يبيله تعديل
مو عشان شكلي مو حلو
واي احد يعلق علي
اقول شكلي يرضيني !
اهم شي انا عاجبني وضعي !
شوفوا الامريكيات جلد على عظم وانتو منجنين عليهم !
شوفوا نفسكم تدورون الريجيم دواره !
وماكنت اسمح لاي احد يعلق علي ، انا احب نفسي بعيوبها لكن احاول تصحيحها
2 \ لا تخربطييييين بالانظمه
يعني ان استخدمتي شي من اكل من نظام غذائي امسكيه بروحه
اقل ثلاث شهور ، التخبط ياإثر عليج ومااستفدتي منه شي
3 \ لاتحطييييين ابالج انج تاكلين لانج بتمتنين
لانه جذي عمرج ماراح تمتنين
انسي هالشي بشكل مؤقت وتذكريه بالميزان بس
4 \ الريااااااااااااااااضه
ماراح تضعفكم لاتخافون
قولوا شلون .. اللي يبون يضعفون يسون رياضه عشان يحرقون الدهون
احنا نسويها عشان نهيآ الجسسسم للاكل يمي يمي
بعد الرياضه على طووول اكلي
ويفضل شي دسم .. مكرونه مقليات مكسرات اي شي بس كثري منه
هآذي خطوآت تجي دعـــم لإي نظام غذائي
وطبعآ جسـم عن جسم يفرق
النسبه للإشيآء الله استخدمتهآ سواء نفعت ولا لا
حليب انشور
بطــــــــــــل
بس مادري ليش من خلصت علبته مافكرت ارد اشتري منه
< لان انا من النوع اللي تلوع جبدي من الاشياء اللي استمر عليها جبدي ماتقبلها
حبوب سبروفيتا
رهيييييييييييييييييييييييييبه ، حبيبة عمري هاذي
لو بيدي احط لها تمثااااااااال انقاذ عصلات
شنو تساعد على المتن
بشهر وشي زدت 4 كيلو .. وبعدين على حظي قطعوها
وقعدت ثلاث شهور بدونها بس مالاحظت اي تغير سلبي بالوزن
ورديت عليها شهر .. وحسيت انه كافي
وحاليا خليتها بس كـ فتح شهيه
يعني ان مر يوم ونفسي مسدوده اكل حبه الصبح
تخليج ترمييين الاكل رم
بس الله يعين الي نومها ثقيل
تخلي النوم دبل الدبلاااات كان راسي يعورني من كثر النوم
لين تعودت عليها وصار عادي
كوب عصير برتقال فرش بدوون ماي
جربوها وادعوا لي
فوق تإثيره على الجسم ، رهيب للبشره يغذيها حيل
حليب الصويا
مانفعني بس بعد ماضرني
بس صراحه ماالتزمت فيها
هذا اللي طرالي حاليا
الموضوع منقول اتمنى مايكون مكرر
اتمنى لكم الفائده
ادعولي اسمن زياده
مشكووووووورة وان شاء ايستفيدووون البنات