ماشاء الله ... تبارك الله
لاقوة الابالله
هذي عصيدتنا الخليجيه الأصليه القديمه الشعبيه من غير أي أضافات أوتعديلات في الطعم
أكيد الكل بيقول ملاحظه عليها أدري وأعرف أنها غير طريقتكم في ناس يضيفون فيها البهارات
وفي ناس تحمس الطحين واللي يسوي لها بيض مع بصل ويكثر البهارات في البيض
كل واحد وطريقته هذي الطريقه أخذتها من أمي الله يحفظها ويطول بعمرها
عصيدتنا نسويها للي في النفاس وفي ليالي الشتاء البارده
في عصيده بالتمر وفي بالدبس وكل من على حسب طريقته وهواه
المقادير
2 كاس طحين أسمر أو رقم 2 من الخباز
2 كاس ونص ماي حار
2 كاس سكر
ملعقه سمنه أو زبده الكرسي
بيض
الطريقه
نحمر السكر على النار
نحرك السكر على النار لغاية مايبتدي يذوب
نستمر بالتحريك لغايه ماياخذ اللون الذهبي
هذي اللون المطلوب أنا رفعته بالملعقه عشان نشوف لون السكر لازم ناخذ الحذر عشان مايحترق ويصير مر
نضيف عليه الماي الحار ونكون حذرين عشان مايطش السكر ويحرقنا ونتركه عشان يذوب السكر
نرفع مرق العصيده عن النار ونبرده
يتبع للعصيده بقيه
نرجع الطحين على النار ونبتدي نحرك
ونحرك راح يبتدي يتكتل شوي شوي
نضيف ملعقة أكل سمنه
ونستمر بالتحريك الله يعين ايدينج عاااااااااد
لاحظوا شكل العجينه
يتبع للعصيده بقيه