عصيرات مع العشاء ((الله يحفظ اللي تساعدني)))

يااااا:06: مشرفااااااات بليييييييييييز ساعدوني فيري إمبورتنت

ينقل الى اطبتق عالم حواء

هلا حبيبتي
شخبارك
حبيبتي راح أحط لك عصيرين رائعين ويبيضو الوجه قدام الضيوف فإختاري واحد منهم.. وأنا مجربتهم ترى يجنننوووووا خاصة بعد العشاء الدسم..وكلهم يصلحوا تسوينهم في جاك كبير..بس المقادير إللي راح أحطها لك الآن لكوب أو كوبين عاد إنتي زودي المقدار حسب رغبتك وحسب حجم الجاك..
هالعصيرين وأكثر من ذالك بكثير موجودة في كتابي عن العصيرات والمشروبات والموجود الرابط حقه في آخر توقيعي..ياليتك تتطلعي على الموضوع يمكن يعجبك وتحياتي لك..


عصير البرتقال بالفراولة

المقادير

كوبين عصير برتقال – 6حبات فراولة–
وتضعي سكر حسب الرغبة – ثلج مجروش
للزينة:شريحة برتقال+حبة فراولة كاملة طازجة

ممكن مادامك بتحطيهم بجاك تزيني أطارف الجاك بشرائح البرتقال وشرائح الفراولة يطلع يجننننننن شكل الجاك وملفت للإنتباه..

الطريقة

توضع كل المقادير بالخلاط وتخلط جيدا ثم تصب في كؤوس التقديم
ونزين الكأس بشريحة من البرتقال مثبتة بعود صغير مع الفراولة الطازجة
((هذا العصير لايصفى بل يصب كما هو))
و بالهناء والعافية



العصير الثاني..

مشروب سيبرايز ((هذا يجنن بعد العشاء وعلى ضمانتي واله)) جربيه قبل العشاء وشوفي..


المقادير والطريقة

نصف كوب من عصير الرمّان المركّز الفواّر((ماركة ماجستيك السعودية )) أكيد تعرفيها تراهم الوحيدين إللي عندهم عصير رمان فوار
ربع كوب من عصير البرتقال الحامض
نصف كوب من عصير الخوخ المركّز الفواّر(قودي أو أي شركة ثانيه)
عرقين طازجين من النعناع الطازج
هذي المقادير لكوب أو كوبين وإنتي ضاعفي المقادير ووازنيها أهم شي عشان تطلع لك نكهاتها تمام في الجاك..

الطريقة

تخلط المقادير جميعها في جاك كبير جيدا وتترك 10 دقائق حتى تمتزج نكهة الفواكه مع النعناع ثم تصب في كؤوس التقديم وتزين بورقة نعناع طازجه..
وبالهناء والعافيه...


هذا إللي عندي ياقمر والله يبيض وجهك قدام ضيوفك يارب..
وبشرينا بعدين إيش يصير معاكي في العزيمة..؟؟

تسلمييييييييييييييييييييييييين وما قصرتي بس بغيت اعرف لازمزم يكون البرتقال طازج في العصيرين واذا حطيت سفن اب او بيره في العصير الاول علشان يصير فوار بيزبط ولا لاوالعصير الثاني الخوخ مركز يعني زي السنكويك ومشكوره وانتظري ردي بس بعد اسبوع بااااااااااااااااااي

هلا حبيبتي
إي البرتقال لازم طازج عشان تكون النتيجة ممتازة
ولاتحطي فوار أو سفن آب أبدا أنا مجربه هالحركة وتراه تضيع الطعم وتخربه نصيحتي لاتجربيها
والخوخ المركز ياعيوني..مو النسكويك..أنا أقصد عصير الخوخ الفوار المركز روحي السوبر ماركت تلقيها هناك (إسألي عن قودي تراها أحسن نوعيه)