:.. عصير الطبقات الملون..:

السلام عليكم اخواتي

اليوم حبيت اقدملكم

(عصير الطبقات الملون )

المقادير:

أختاري ثمار مختلفة الألوان
كيوي --فراوله --شمام--خوخ--موز
علبة دريم ويب تخلط مع علبة قشطه ونص كاس حليب

الطريقة:

1-أخلطي كل فاكهه على حده وأضيفي لها مقداراً من خليط الدريم ويب حتى تثخن

2-حضري كأس طويل وصبي الفاكهه الواحده تلوى الأخرى ويفضل أن يضاف قطرات من عصير الليمون للموز أثناء خلطه حتى لا يسود وأن يكون في طبقه متوسطه وليس على الوجه قدميه بارداً جداً

طريقة ثانية للعصير

الطريقة:

الطبقة الاولى:

لب المنجا (اللي في اكياس مجمدة) + شوي موي + شوي سكر

اخلطيهم بالخلاط بس لا تكثرين ماء خليه غليظ شوي

وصبي في الكاسات الربع او اكثر اللي تبين


الطبقة الثانية:

فراولة (اذا حابة مجمدة أو طازجة على راحتك) + شوي ماء+ شوي سكر

اخلطيهم بعد بالخلاط انا اضيف شوي فيمتو عشان يعطيه طعم لذيذ ولون احمر حلو

وبعدين صبي بعد فوق طبقة المانجا بحرص وعناية

(طبعا اذا كان المنجا والفراولة اقرب للسوائل فرح تنحاس الدعوة عندك ويختلطون مع بعض ولا يطلع طبقات)

الطبقة الثالثة:

موز + حليب + شوي سكر

اخلطيهم وحطيهم فوق الفراولة

وبعدين قدميهم بالهناء والعافية

امورتكم اللي تحبكم