عصير المناسبات بذات للي ع وشك زواج خطير للبشره والشعر

السلام عليكم حبايبي سريع سريع
العصير ذا
فوائد
وطعم لذيذ
انا بشرتي جا لها فتره فيها حبوب وتصبغات يعني تبهذلت معها بسبب المكياج لأنه جت فتره وانا كل يوم في مكان
وهاتك ياصبغات واتصبغ بأنواع البويات اللي عندي ويالله يالله ع مشاويري 😂😅🏃‍♀️ماغير اراكض بين عروس وملكات وحفلات مواليد وغيره
الله لايشغلنا الا في طاعته
وجاء كورونا وقعدنا في البيت الا وميمتي تناظرني تقول وش زينك بالمكياج قومي تصبغي تفجعين قلت افا هذا وانا بنتك تقولين لي كذا وش بتسوين في الغريب
قالت الصدق بقول
المهم والله واناظر وجهي يمين يسار ميت اصفر حالته حاله
والله واروح لعمي قوقل
وتجيني روتين العنايه وانواع الكريمات والمقشرات والله العالم بالحال طفارى والجيب مافيه هلله
بس تسلفت لي كم قرش خذت لي صابون افريقي قلت عساه ينظف البلاوي وطمي مغربي وكل يوم احط الطمي المغربي ع وجهي مع ملعقه زبادي لأنه بشرتي دهنيه
ومقشر في البيت زيت زيتون وسكر


قلت خلاص مالي غير حبيب القلب ارجع له مع الصابونه والطمي بأذن الله يجيب نتيجه استمريت أسبوع فقط
البنجر
ثم
البنجر
ثم
البنجر
واقسم بالله يابنات كان منقذ لي بعد الله بشرتي تحسنت اكثر من اول بكثير
وربي شاهد
تاخذين ٢ بنجر تقشرينها تسلقينها
تحطينها في الخلاط مع
١ برتقال
١ تفاح
١ جوافه
١موز
انا مااحليه بسكر لاكن لك حرية الأختيار هو مسكر اصلاً مايحتاج تحلونه اذا مره حطو ٣ تمرات او ملعقه عسل


ويابنات لاتنسون تقرون سورة الفاتحه ع العصير تراه بركه ذكر الله ع كل حاجه بركه اصلاً
هذا وصلى الله على نبينا محمد وعلى اله وصحبه أجمعين


ادري طولت والسموحه 😘😊