مرحبا اخواتى عضوات عالم حواء
النهاردة عملت عصير وكان لذيذ اوى وقدمت منه لأصحابى وكان الكل محتار عبارة عن ايه
تخيلو عملت عليه هدية بسيطة للى تقول مكوناته :35:
الهدية كانت عبوة شامبو GLISS اللى بالكيراتين :laugh2:
بالمناسبة الشامبو ده تحفة بجد عن تجربة :2thmup:
بس ماحد عرف عبارة عن ايه برضو
:
:
العصير عبارة عن جوافة بالكركدية والرمان
طريقة تحضيره كالتالى
المكونات : 3 حبات جوافة - فصوص 2 حبة رمان - كوب ونصف من الكركدية المنقوع
- 4 ملاعق سكر (او حسب ما تحبى)
الطريقة :
- هاتى شوية كركدية بمقدار قبضة ايدك وانقعيهم فى كوب ونصف ماء من بالليل للصبح فى الثلاجه
- قطعى الجوافة كلها بالبذر (لأن الطبقة الرقيقة اللى شايلة البذر بتكون مسكرة جدا وطعمها حلو ).. بعدين بالأخر هنتخلص من البذر ما تقلقيش
- صفى الكركديه وحطيه بالخلاط مع الجوافة المقطعه وفصوص الرمان مع السكر ونقطة عصير ليمون واخلطيهم كويس
- صفى العصير وتمتعى بطعمه الرائع
اتفضلوا اشربوا معايا
لو تحبو تجربوه وتقولوا ايه رأيكم فيه
و ياريت اى واحدة جربت عصير غريب وطلع طعمه حلو تقولى عليه لأنى بحب الكوكتيلات الغريبة بتبقى لذيذة وفيها تغيير ..
منتظره المبدعات :13:
