مرحبا بأحلى بنات انا اشتركت هنا بتجمع للنحاف والحمدلله سمنت 6كيلو تقريبا وباقي لي شوي واصير اوكى...
اعتمدت على الوجبات الثلاث والسناك
والاهم هذا العصير اللي بقولكم عليه انا كنت احط
5او7تمرات بدون نوى ومنقعه بماي شوي ماي
حليب ابوقوس سايل
مانجو عصير ثقيل مو الخفيف
موزه
..................
وله الفضل بعد الله بزيادة وزني ...
وبصراحه لقيته بالنت بشكل احلى واضافات اروع وحبيت اطرحه لكم عشان تستفيدون وتدعون لي بالتوفيق والستر ...
بس كاسين !
الكمية تكفي شخصين فقط
نبتدي بالمقادير :
_ عصير مانجو المثلج ..( ربع الكيس فقط )
_ علبة حليب ، أي حليب ( السعودية ، المراعي ... إلخ )
_نصف حبة موزة ..
_6 حبات تمر ..
وللتزيين :
( أي شيء يخطر ببالكم )
_ زبيب ..
_ جوز هند ..
_ فستق ..
بالكاس قبل لا نحط العصير :
نحط شوي ( هيرشي تشوكلت ، أو هيرشي كراميل ، أو عصير فيمتو ) كلن وراحته
×
تقريبا هذا كل شيء نحتاجه نسوي العرايسي ..
بالخلاط نحط هذا :
_ مثلج المانجو .
_ الحليب .
_ التمر .
_ الموز .
بعض الناس تفضل التمر المعجون ، وأنا أفضل التمر العادي علشان تبقى قطع التمر بالعصير
يمكن تلاحظون التمر في الصور هذي ..
أغراض التزيين عن قرب :
و قبل نصب العصير بالكاس :
نحط أي نكهة ( التشوكلت ، الكراميل ، الفيمتو )
أنا حطيت التشوكلت .
الشكل النهائي
نسيت أقولكم إن العصير ثقيييييل يعني تاكلونه بالملعقة يا حلوين >>انا كنت اضيف له شوي ماي واشربه شرب
وبس مشروووب العاافيه
للأمانه انا مااجربته بالضبط كنت مااضيف له مكسرات ولازبيب ولا فيمتو
ف عادي اذا مااضفتي هالاشياء ماراح يأثر على النتيجه بيسمنك لان انا سمنت عليه ومستحيل اسمن اول ...الا بحبوب وبلاوي ...
وبالعافيه على قلوبكم ..
موفقه