عضوات حواء.......أنا اجهضت

السلام عليكم ورحمة الله وبركاته

انا كنت حامل من شهرين واجهضت لانو سافرت السعودية وكانت عليه صعبه شوي والله ماقدر واجهضت قبل 20 يوم وعندي كذا اسئله ومستحيه اسأل فيها امي وقريباتي لانو احس انها شئ خاص لي......متمنيه منكم الرد عليه فأنا بحاجة للأجابه بما ان هالشئ اول مره لي وماعندي خبره
1- اجهضت ونزل دم كثير بس بعد خمس ايام خلص وبدا ينزل افرازات تتغير لونها تدريجي من بني غامج الى ابيض من اسبوع صار افرازاتي بيضاء تماما يتخلهلها افرازات ورديه
2- من 5 ايام رحت للدكتور قالت لي عادي اذا تبين تحملين مافي اي مشكله واذا اجلتي بعد مافي مشكله .....الاهم زوجي ينتظر انهي هالفترة بفارغ الصبر وقلت له لازم اربعين يوم ...وماكنت اعرف انو من يخلص الدم اطهر وكل شئ عادي.........من كلام الدكتوره شكيت سألت امي بطريقة غير مباشره قلت لها ماماه انا ماعاد ينزل مني دم عادي اصلي ....وكل شئ عادي قالت ايوا صلي عادي
فأنا حضرت حق البارحة ليله لزوجي بس اهوا ماجا انشغل فقالي اليوم شو كنتي مسويه لي البارح خبرته
......
قالي ها يعني شايفه اني تعبان من خمس ايام ولا اشفيتي عليه .......فزعل مني وقالي لا انا عناد بنتظر 40 يوم ...........انا ماريده يزعل ولا ياخذ على كلامي كنت بس ابي اتأكد لانو ماعرف ولا ابي اخذ اثم عليه وعليه

3-سؤالي الاخير البارحة انا تطهرت من النفاس وانا من حوالي 4 ايام اخذ علاج التحميل المهبلية عشان الريحه والحكة وكان كل يوم ماينزل شئ اليوم نزل افراز ابيض مع وردي مادري هو دم ولا من التحميل .........

ابغا جواب على سؤلاتي رجا ياخواتي
شاكرة لكم