عضوات حواء ورطوني 😱

‏مساء الخير




هالقسم مختص بالمشاكل الزوجية ولما تجي وحدة تطرح مشكلتها بيجيها اكثر من رد ,سواء كان متهور ,عقلاني ,,او من وراء تجربة




وهي بتشوف اللي يرتاح له قلبها وتطبق واذا ماطلعت النتيجة عكسية بدت باللوم والتحسب وتعيد السبب ع هالمنتدى وعضواته






اختي الكريمة لما وضعتي مشكلتك بهالقسم وش كان مقصدك من طرح الموضوع ؟! تبين اكثر من رأي او تبينهم يتابعون بصمت ؟!


شي طبيعي اختلاف الأراء


اذا استعنتي بالله وطبقتي حل من الحلول وماجاب معك نتيجة فلاتلومي احد ,كل شخص كان قصده يفيدك حتى لو كان رده في غيرمحله الصحيح ,فهنا عليك انتي التنبه وعدم الانسياق وراء كل رأي






ربما كلن الحل صحيح لكن الطرف الاخر بالمشكلة كان رافض جميع الحلول وحتى الحل اللي ممكن يساعدك ويساعده يقلبه لمشكلة والبلا هنا بيكون مو في الحل في الطرف هذا اللي متعمد إحداث المشكلة






او ربما تركتي الآراء السديدة واخذتي برأي متهور وبعدها ندمتي فهنا ماتلومي احد غير نفسك انتي اللي عرضتي مشكلتك وبعدها تركتي آراء الحكيمات واخذتي برأي شخص متهور غرتك بعض المصطلحات اللي يردد لها وغالبا ما تكون مغايرة للواقع وفالاساس ماراح يطبقها على نفسه






فلما شخص يطرح مشكلته بين الناس يحاول الاتزان وياخذ المفيد متجاهل الرد السلبي اللي يكبّر ويهول في عينه الجزء الغير مهم ويترك الأساس والجزء الأهم اللي ممكن يحل المشكلة






وقبل مايعطونك اي حل لمشكلتك اعرفي ان الحلول ممكن تفيدك وممكن ماتسويلك شي وممكن تضرك ,,




فإذا عزمتي على تطبيق اي حل رجائي تكوني راضية عن عواقب الحل حتى ولو كان سلبي او لاتتهوري وترجعي تحطي اللوم على غيرك.




واتمنى ماتلومي اي احد ابدى رأيه بموضوعك حتى لو كان بغير محله ,,الناس فيها السفيه والعاقل والخيار خيارك والقرار قرارك


ودمتي بود.