الله يجزيك الخير يا غالية عن سؤالك عنا ، ان شا الله منسآل عنك بالخير دائما ..


الحقيقة انا موجودة ومالي موجودة بنفس الوقت .. موجودة لاطلع علي أشياء تخص مهمة الإشراف وآخر آخبار البلد من أخواتي السوريات اللي بالداخل ..
اما المشاركات وقراءه المواضيع فما عاد اقدر ابدا بسبب تآزم نفسيتي من اللي عم يصير بالبلاد العربية ابتداء وهلآ بسوريا الحبيبة اللي عايشة تحت الجحيم و النار ...
لذلك اعذروني يا غالياتي ما عم بقدر شارك ونفسيتي ما بتطاوعني شارك بآي موضوع ولا حتى اقرآه لحتى الله يفرج عنا وعن كل المسلمين أجمعين ..ما بعرف ما عم بقدر افصل نفسي ابدا عن اللي عم يصير ، اذا اكلت بتآلم واذا رحت مشوار فيه بسط بتآلم وآذا اطلعت عولادي وهنن نايمين بآمان ربي يحميهم بتآلم ويتذكر الناس كيف عم يفقدوا ولادهم وشبابهم وكل املاكهم ببلااااااش ... حسبنا الله ونعم الوكيل .كيف ما رحت ووين ما اطلعت بشوف معاناة الثوار بليبيا وسوريا واليمن .... معلش جبتلكم الهم بكتابتي ... بس هي الحقيقة ، وما بعرف هالشي هاد صح ولا غلط ..!!

بعتذر مرة تانيه عن تقصيري مع قسمي الحبيب والآخوات الرائعات بالقسم اللي الي معهم من اكتر من عشر سنين ، لكن أملنا بالله آنو يفرج عنا وعن المسلمين فرجا عاجلا قريبا ..
وكل عام وانتو بخير يا غاليات بمناسبة رمضان الحبيب ... ربي يجعله شهر خير وبركة وسعاده ونصر وسرور وجبران خاطر لقلوب الملايين من المسلمين ..

جزاك المولى عنا كل خير يا عين القمر نجلاء ومنسال عنك بالفرح داااااائما .

ونسيت قول انو ام محمد بخير الحمد لله وانا دااائما على اتصال معها ، وهي كمان نفس حكايتي ماعاد الها نفس تكتب ولا تقرآ آي شي بسبب وضع ليبيا ربي يفرجها عليهم وعلى جميع المسلمين، وهي بتبلغنا داااائما انو نوصل سلامها الكم ولكل الآخوات ، وربي يطمنا عنكم وآنتو باحسن حال ...

الله يفرج همنا وهمكم وينصر المسلمين في كن مكان

اللهم اعز الاسلام والسلمين

واذل الشرك والمشركين

ودمر اعداءك اعداء الدين

ودمر الطغات ياحي ياقيوم

وصلي اللهم وسلم على سيدنا محمد

وعلى اله وصحبه اجمعين

اللهم انصر المسلمين في كل مكان


واحفظ نسائهم و اطفالهم وشبابهم و شيبانهم يارب العالمين