السلام عليكم
اولا اشكرك جدا ام محمد على المعلومات وادعو الله العلي القدير بهذا الشهر الفضيل ان يشفيك ويعافيك انه سميع مجيب الدعاء
شكرا للاخت نيني وانا كمان اردنية بس مقيمة بالامارات حاليا حيث يعمل زوجي
سؤال للاخت ام محد لو ممكن
كم تبعد لندن عن ميسساجا وعن برامبتون وعن هاملتون؟
ارجو اني ما اكون بتقل عليكم
ما زلت ناطرتك يا رغد الحياة
والى اللقاء

السلام عليكم
حياك الله عزيزتي
ماشاء الله بنات كندا مافي اكتر منهم وماقصروا معك ابدا ويمكن ردي هلأ مايفيدك لأنه مازدت شي جديد على اللي انقال ... بس ولا يهمك راح جاوب باللي اعرفه..

اول شي حبيبتي لندن اونتاريو هي بالغرب ..
وشوفي هي خريطه بتوضح كل مدينه وين صايره


وهي بتوضح مكان ميسساجا وبرامتون كمان وكونهم كتير قريبين من تورنتو مانذكروا في الخريطه فوق..



ماشاء الله ام محمد ماقصرت في جوابك وفعلا حاولي ماتكتري شتوي لانه لما تجي كندا راح تشتري راح تشتري مافي امل بغض النظر عن نوعيه الملابس راح تلاحظي انه ستايل تبعها مختلف تماما فراح يكون بودك تشتريها سواء عندك او لا..
وعلى كل حال احنا بالشتا بنلبس ملابس خفيفه وخريفيه (لأنه البيوت والمدراس والمولات والمستشفيات وكلللله مدفأ كويس) ولما بنطلع بنزيد عشرة كيلو ملابس (جاكيت وشال وقفازات وشرابات صوف وبوت التلج ) . ولما بندخل عالمدرسة بنشلح الملابس التقيله وانابضل بعبايتي الخفيفه والا كتير راح شوب واختتق..


في مثل بيقول : محل مابترزق ..الزق :)
يعني ياحبيبتي مالك دخل برفيقتك ولا بصاحب زوجك ولا بأي حدا لانه كندا مليانه مسلمين وعرب ومصيرك تتعرفي على حدا بلا شك ..
اهم شي تحسبوها مضبوط وتشوفي كيف وضعية زوجك ووين راح ترتاحوا اكتر شي من الناحيه الدراسه والوظيفيه ..

على فكرة اذا ناوي تختاري مابين برماتون وهاملتون .. بشوف انك تختاري هاملتون لأنها ارقى شوي .. برامتون 50 % من شعبها سيخي وهم ديانه مابين الاسلام والهندوسية صح انهم طيبين بس مابعرف بشكل عام الواحد مابيحب يتعامل معهم كتير .. غير هيك انا زرتها كم مرة وما ارتحت لها يعني حسيت انها مو متحضرة كتير قد المدن اللي جنبها .. والله اعلم يمكن كانت نظرة اولى خاطئة .. او المنطقه اللي رحتها مو كتير حلوة الله اعلم

هاملتون كتير من شعبها كنديين . المسلمين اللي فيها قممممممممة عن جد عيني عليهم بارده انا بعرف مجموعات كتيير مسلمه وخاصه من الليبين والصوماليين قمه في النشاط والالفه ومركزهم الاسلامي اسمه شباب سنتر قممممة ماشاء الله (متل عنا بالضبط ههه :D ) فاذا تعرفتي عليهم راح تنسي الغربه بحالها وتنشغلي تماام
بعدين يابنتي هالمتون قريب نياجرا شو بدك احلى من هيك كل ماحبيتي تشمي هوا بتطلعي عليها بسهوله وبتقضوا يوم حلو جنب اعظم ابداع لربنا سبحان الله .,




شوفي حبيبتي الحصه هذي انا درستها لما كنت في صف تاسع ..
المنهاج كمنهاج مافيه اي شي بالعكس منهاج سليم متل ماقالت لك ام محمد ولو تشوفي الكتاب عادي جدا كأنه كتاب احياء وشوية نصائح مافيها شي . لكن المشكله تكمن في (الاستاذ) + في (الطلاب)
انا لما درستها كانت معلمتي كتيييييير ماييعه والطالبات ماصدقوا بالاسئله
هي كورس قصير يمكن اسبوعين انا درست يومين بعدين طلبت من الاداره انه يعفوني من هالكورس لأني حسيت انه الحصه غلط بالنسبة الي فعطوني الادرة كتاب عن التغذيه وسولي فيه امتحان واعتبروا درجتي فيه هي درجتي لحصة الصحه ..

يمكن غير مدارس طريقة التدريس مختلفه او اسلوب المعلمة مختلف او الطالبات مختلفين مابعرف الله اعلم ..

بس انا لما شفت انه المعلمه صارت تحكي كيف سوت مع اول بوي فرند ومع تاني بويفرند وامتى قررت تتزوج وكيف اول ولادة لها وكيف تاني ولاده وشو الفرق مابين كل رجال جربته وصاروا البنات كل وحده تحكي عن طريقة علاقة معينه (اللهم عافينا) حسيت انه الحصه هي قمة الخطأ وتركتها ..
وانتي دايما فيكي انك تتحكمي باللي يدرسوه اولادك .. اي شي بتشوفي انه خطأ لازم تحكي مع الادرة وانت من حقك انه تمنعي اي شي برايك انه (ضد) تعاليم دينك وكل شي بالادب والذوق ممكن ..
انا بشوف انه الاهل لااااااازم هيك مواضيع تحكي معه اولادها وبكل صراحه وبنظرة اسلاميه ولاحياء في الدين ولازم تعرف انه لو منعت المعلومه الصح اللهاعلم من وين بدو الطفل يجيبها بعدين ونفس الشي للبنت لازم تفهمها تماما كيف وتقولها ليش انه كتير شغلات هي ممنوعه تسويها عشان تصير البنت عندها حذر وتعرف ليش كمان مو شغله على عماها .. الوضع في الغربه بيتطلب من الاهل انه يشرحوا هالنقطه بالتفصيل لأولادهم
انا هلا وبالجامعه عندي حصة رسم وفي هالحصه راح يجيبوا لنا وحده موديل وراح تكون عاريه اللهم احفظنا وراح يطلبوا منا رسمها .. مع انه هي حصة جامعيه واجباريه حكيت مع البرفسوره وقالت لي براحتك وعفتني عن هالواجب طبعا عوضتني بواجب اصعب ميت مرة بس مو مشكله ..

انا براي انه المدارس الكنديه مشكلتها اكبر من مجرد الثقافة الجنسيه اللي راح يدرسوهم ياها
الثقافه الغربيه ككل عما يدخلوها في عقولهم وبأحلى الاساليب
من اعياد ميلاد وهالوين وايستر وووو بيحببوهم بالشغله بطريقه ياليت احنا نقدر نستخدمها في تحببيهم لديننا

في الهاي سكول كل هالشغلات موجوده بس بيكون الواحد كبر وصار يفرق مابين الصح والغلط اولا واصلا مافي شي اجباري تانيا يعني الحصص اكاديميه اكتر والعيد بيمر ويروح واحيانا مانحس فيه
السؤال اللي بياكل همه كل الاهالي ارسل اولادي للمدرسه الاسلاميه او ما ارسلهم ..هل راح اقدر ادفع لهم المصاريف الشهريه او مافيني ؟؟

كل اهل وكل عائله الها ظروفها وهي اعلم بوضعيتها ..
احنا اختي درست سنه وحده بالببلك وبعدها انتقلت للمدرسة الاسلاميه
على رغم من مصاريفها وعلى الرغم من ظروفنا كانت كتييييييير صعبه جدا .. بس في رأي والدي انه لو كانت هي فاتورة عبتجيني من الدولة بدفعها غصب من غير ما اناقش ليش وماليش و هي ضريبة الغربه ومن واجبي اني ادفعها والله بيعوض ..

والحمد الله هلأ اخواتي راجعين نهائي واستفادوا كتير من المدارس الاسلاميه بغض النظر عن التربية الاسلاميه لغة اختي الانجليزية والعربيه ممتازة ماشاء الله واهلي مو اكلين هم الرجعه متل ما كتير اهالي صار معهم لما قرروا يرجعوا..

على كل حال انت سجليهم في مدرسة ببلك اول فترة لحتى تستقر اوضاعكم لأنه معروف اول سنه كل عائله بتحطم الرقم القياسي بالمصاريف فالله يعينكم وبعدها سوي بحث عن المدارس الاسلاميه زوريها اطلعي على مناهجها احكي مع المدرسين والمدرسات خلي عندك فكرة .. لانه كمان مو كل مدرسة اسلاميه اسلاميه .. الله يعين بس في مدارس سمعتها جدا سيئة وفيه غيرها متل المسك ...

الله يوفقكم لكل الخير ياارب وييسر لكم الجيه ويدلكم لطريق الخير يارب

السلام عليكم
بدي اشكرك يا رغد عالمعلومات المفيدة واشكر كمان ام محمد الله يعافيها.
في سؤال محيرني وهو اني انا خريجة علوم كيمياء من 13 سنة وعندي خبرة بسيطة بالتدريس وخبرة بسيطة بالمكتبات فهل بسهولة احصل وظيفة ولا لا؟
ولو حبيت ادرس شي لمدة سنتين يفيدني ازا رجعت لدولة عربية بشو بتنصحيني؟
واسفة ازا كنت بتقل عليك
كل عام وانتو بخير بمناسبة شهر رمضان واعاده الله علينا وعليكم بالصحة والعافية انشاء الله.

الله يحفظكم يا أم محمد ورغودة ويسخرلكم يارب

أهلاً

حبيت اضيف معلومة بسيطة..... بالنسبة لبرامتون فهي تعتبر مدينة من G T A يعني Greater Toronto Area
يعني هي مدينة من ضمن مجموعة من المدن القريبة على مدينة تورونتو فهي عموما مدينة غالية للسبب السابق
أما هاملتون فليست من هذه المجموعة وتعتبر ارخص

حبيت أفيدك بهالمعلومة