عضوة جديدة طالبة مساعدة .. لا تفشلوني

السلام عليكم ورحمة الله وبركاته أخواتي

بالبداية أحب أشكركم على هالمنتدى الرائع بالفعل

وأكيد سر روعته هو وجودكم وتفاعلكم فيه :41:

أنا بصراحة متابعة المنتدى من فترة واستفدت كثير من الأفكار والصور اللتي تعرضوها

لكنني ترددت بالمشاركة لأني بصراحة ما عندي خبرة بمجال الديكور

وعلشان كذا أنا هنا اليوم طالبة مساعدتكم

القصة وما فيها إنه أخوي راح يرجع بعد حوالي الـ 4 أشهر من كندا وراح يظل معنا لفترة شهر وبعدها يرجع :32:

ونحن ناويين إننا نغير غرفته كلهاااااااا كمفاجأة له

لأنه بصراحة لمن انتقلنا للبيت هو كان مشغول بالتسجيل ومشاكل السفر وما قدر يسوي شي على كيفه بالغرفة

فطلعت أقل من عادية :06: :06:

فأتمنى إنكم تساعدون العيلة الكريمة بتجديد غرفة أخوي بأفكاركم اللي تهبل :21:

أعطيكم مواصفاتها ..

بالبداية الغرفة مساحتها 6.6 * 4 ..

أول ما تدخلين بيها في ممر قصير جدًا وعلى إيدك اليسار فتحة على شكل قوس لغرفة التبديل وبيها باب للحمام _ أكرمكم الله_

يعني تقريبًا بعد باب الخطوة بغرفتين تكوني بالفعل داخل الغرفة وانتهى الممر

عند نهاية الممر إحنا ناويين نحن نحط 3 ليتات متدلية من السقف بحيث يكون اللي بالوسط أطول من الاثنين الباقيين

وشكل الإضاءة مخروط وزجاجها مو ملون وكأنه مسكور ( هي حلوة كثير )

أما أرضية الغرفة راح نخليها خشب غامق شوي ( ترا أخوي ما يحب الفاتح ) .. أظن يسموها باركيه والله ما ادري

وراح نضيف على الغرفة Step بالجبس لأنه أخوي كان وده يسويها من أول لكن المهندس قال ما يصير وما أدري شنو

ومثل ما قلت لكم هو ما كان فاضي ذيك الأيام

المهم .. بالنسبة للفرش نحن محتارين اللي أعرفه أخوي يحب الفرش جلد أو خشب جاي استايل قديم محدث ( أتمنى إنهم فهمتوا علي )

بالنسبة للجلد بصراحة ما لقينا

وبالنسبة للخشب فيه معنا مشكلة وهي إنه لمن نحط التلفزيون بالغرفة ما يكون مناسب مع الفرش

تحسين الفرش استايل قديم والتلفزيون جديد بقوة !!! :29: :29:

وبركن الغرفة في شباك كبير ما يتفتح راح نحط عنده كرسيين وطاولة صغيرة وعالطاولة راح نحط مثل نافورة صغيرة كذا تنحط عالطاولات

أنا شايفة وحدة منها بهوم سنتر

وبعد أنا مرة شفت بالمنتدى عندكم صورة كرسي كأنه صاير مرجوحة صغيرة راح نطلب من النجار يسويلنا مثلها على استايل الأثاث اللي راح نختاره

أما المخدات اللي بيها تكون بنفس لون ونقش الستاير

وراح نطلب بعد من النجار طاولة من مستويـيـن وراح نحط عليها مفرش بنفس استايل الستاير لكن يكون المفرش طويل شوي ونازل على الأرض من ركن واحد وبنهايته نحط مخدة

وعلى هالطاولة راح نحط صور له من أيام الدراسة وشهاداته واللي من سوالف أيام المدرسة

وصحيح بالنسبة للـ Step إحنا محتارين نسويه مثل ما كان بغرفة سعاد عبدالله بمسلسل بعد الشتات ولا نسويه شكل متموج .. احنا إحترنا بصراحة !!!

اممم أظن هذا كل شي

أنا حاطة أمل كبير عليكم وعلى آرائكم وأتمنى إنكم ما تخذلوني ( ويا ريت لو وحدة منكم تعرف أسماء محلات بالسلطنة ما تبخل علي وبكون ممنونة :55: )

والف شكر مقدمًا على القراءة وللي راح يرد

وآسفة على الإطالة