عضوة جديدة ... قصتي

بسم الله الرحمن الرحيم

كيفكم يا بنات ..
انا عضوة جديدة بينكم ولكن من المتابعات القديمات للمنتدى

انا عمري 23 ومتزوجة صار لي سنة وشهرين

ابي عيال ابي جهال ابي اطفال ابيهم من اول شهر وانا افكر بالحمل والله يشهد علي اموووووووووووووووت بالاطفال بس ربي لحد الحين ما رزقني والحمد لله

امي وخواتي وحمواتي يقولون ليش مستعجلة ليش اللهفة وكلن يقول ليش مستعجلة قلت ما في الا بنات حواء يفهموني محد فاهمني
المهم زوجي :arb: عمل تحليل طلع فوق الممتاز والحمد لله طبعا مسوية قبل زواجنا بشهر
المهم عملت تحليل هرمون الحليب بس وكنت حاسة من كثر ما اسمع عنه انه هو اللي مأخر حملي
وفعلا طلع هرمون الحليب سويته عند دكتوره ما تفهم ولا ارتحت لها طبعا بعد زواجي بــ6 شهور
بعد كذا اعطتني علبتين كل علبة فيها حبتين مدة شهر وكان الهرمون واصل 23وبعد ها الشهر رجعت حللت طلع 32يعني زاد ما نقص المهم تضحك علي الدكتورة لما درت ان لي 6شهور تقول لي ليه مستعجلة على الخلفة وبدري عليك

ما ارتحت لها خصوصا لما زاد الهرمون قال لي زوجي في دكتور يمدحونة اسمه سادات طبعا انا في حائل ويجون الناس له من الرياض يتعالجون عنده

رحت له وشاف البويضات وقال حجمها صغير8 و عطاني بارلودل واخذته وعطاني كلوميد بعد اليوم السابع 5 ايام رجعت وشاف البويضات وبعد كذا طلعت 21 والحمد لله وبعد كم يوم قال لي ارجعي علشان نشوف التبويض رجعت ولقا عندي تبويض قال خلاص مدام كلو كويس وحدد لنا ايام الجماع
وقال اذا جت الدورة تجين 3 يوم منها واذا تأخرت اسبوع تسوين تحليل دم المهم تأخرت 10 أيام وفرحت وسويت تحليل دم طبعا لازم تنتظرين نص ساعة قال زوجي بنروح للمكتبة ونرجع نشوف المهم رحنا ورجعنا قال انتظري بالسيارة ودي انزل معاه بس مالها داعي كل رايح يجيب الورقة وجاي المهم جا :arb: وهو قاعد يضحك قلت يا يضحك من الفرحة يا يضحك من الخيبة وفعلا طلع من خيبة الامل جاني قال,, مافي همل بابا , ,قلت قدر الله وما شاء فعل وأنا احس بخيبة امل بعدها قلت ما راح احلل إلا بعد 15 يوم مرة ثانية
هذا اول شهر

المهم ثاني شهر قال نعمل تحليل تكيس المبايض وعملت وكنت ميتة خوف لأني اسمع ان علاجة صعب
ويطول المهم طلع ماعندي تكيسات والحمدلله
ورجع شاف البويضات لقى 8 والثانية 9 يعني ضعف بعدها عطاني كلوميد من سابع يوم دوره لما خلصت واخذت يومين مدري ثلاثة رجعت وشاف البويضات لقاها 21 الحمدلله
بس هالمرة عطاني ابرة تفجير ....... قلت ليه خلها تتفجر لحالها يادكتور قال الأبرة تسوي تفجير بنسبة 100% اما لحالها 50%
المهم اخذتهاوعطاني مثبت حمل


وربي مستانسة يوم عطاني مثبت حمل اقول شكلي بحمل :icon28: المهم بعد كم اسبوع حسيت بالام
في ظهري قبل الدورة بأسبوع وقلت وايقنت انها دوووورة لامحال وخليت مثبت الحمل وبيوم الدورة انزلت


هذا ثاني شهر
طبعا انا ما عالجت الا بشهر 5 وشهر 6 والشهر هذا سافرت وخليت العلاج وش اسوي غصب عني

أنا اللي مولع فيني ان كل اللي تزوجوا بنفس الشهر حملوا وجابوا واللي بعدنا حريمهم حوامل الا انا

انا راضية بقسمتي بس الناس مو مخليني


اعرف لي وحد ة يا بنات كان عندها هرمون لحليب واصل 1200 وهي اخذت 6 سنوات ما جابت طبعا ما تعالجت ولا بدت الا بالسنة السابعة واخذت 6 شهور تتعالج مع منشطات وابر تفجير وطبعا اخذت علاج من حرمة يسمونة علاج حمل وسبحان الله حملت

أنا أمي كلمت ام البنت هذي علشان تجيب لي من هذا العلاج وابي اجربه وانشا الله احمل

انا متفائلة اني راح احمل خلال الاشهر الجاية

وياما بنات من جماعتنا عندهم هذا الهرمون تعالحوا واخذوا ادوية شعبية من حريم وحملوا

عموما ربي يرزقكم ويرزقني بالذرية الصالحة المعافاه
وانتظر ردودكم