عضوة جديدة ومحتاجة مساعدتكم الله يخليكم

السلام عليكم
ما اعرف شلون ومن وين ابدي. بما انو اني عضوة جديدة احب اول شي اقول انو عربيتي للاسف مو 100% لاني من اسمي مبين عايشة بالخارج, يعني ارجة المعذرة اذا راح تكون اكو اخطاء بالكتابة والقواعد بس اني جاي احاول اثبت العكس ولحد هسه احس الحمد لله الحال ماشي صح. وثاني شي احب اعبر عن اعجابي الي ما ينوصف بهذا المنتدى الي ماااااااااا ينمل والي اكيد الكل جاي يستفادون من بعض ويشرفني اكون عضوة هنا. ادري طولت عليكم
عزيزاتي اني مخطوبة وعرسي بعد شهر ونص (عقبال كل البنات ان شاء الله) وعندي مشكلتين مسودات حياتي وحسيت ماطو قدامي غيركم
المشكلة الاولى عندي برجليا هواي (كثير) شعر تحت الجلد و جاي يسببلي احراج مو طبيعي يعني بحيث لمن اكون معزومة بحفلة اتحاشى البس شي قصير واذا لبست لازم البس جواريب مع انو اني مااااااا احب الجواريب, يعني هاي المشكلة مخليتني حتى اكره اشوف رجليا وشايلة هم بعد العرس, تعرفون قصدي طبعا :confused: اكو اخت الله يجزاها الخير قالتلي اجرب الصابون المغربي وفعلا بعد عناااااااااااااء طويل وماينوصف قدر احصل على القليل منه لان ما موجود عدنا, والصراحة فادني بس بنسبة مو اكثر من 10% مع انو اني استخدمته لحد هسه 5 مرات, الله يخليييييييكم ساعدوني لان حتى جاي الاحظ انو كل مرة اشيل الشعر تكثر نسبة الشعر الي تحت الجلد يعني مرة علن مرة جاي تكثر
علما اني ابد ابد ابد ما استخدم الموس وما مستخدمته بحياتي بس اكثر شي استخدم المكينة مال براون مثلا مع انو اني سامعة بس ما متأكدة انو هي السبب وحاولت استخدم الحلاوة بس ولا ولا ولا مرة طلع الشعر من الجذور يعني يصير مثل المكسر وملمس الرجل والايد ابد موووووووو ناعم, مابيه شي من النعومة
هاي المشكلة الاولى الي والله مأثرة على نفسيتي بشكل ماينوصف وخصوصا زواجي قريب
ادري طولت عليكم ويمكن ظجتو بس الله يخليكم ساعدوني, شنو اسوي بالشعر الي تحت الجلد والشعر الي ماينشال زين بالشيرة ولا حتى بالمكينة
منتضرة ردودكم بفارغ الصبر

تحياتي الكم وشكرا مقدما
سندرلا سويدية