عضوة جديده ... يا ترا يا هل ترا ترحبون فيني وتقبلوني اخت وصديقه لكم ؟؟

السلام عليكم ورحمة الله وبركاته

خواتي الحبيبات ... انا عضوة جديده .. أتمنى انكم تقبلوني اخت وصديقة لكم ... وان شاء الله نجتمع على الخير والمحبة

وعلى فكره في مشاركه اصغيره ومتواضعه حبيت اني افيدكم فيها

بالنسبة لأي اخت تشتكي من بقع في الوجه او حب شباب قبل لا اتجرب اي شي من الكريمات الطبية انصحها اتروح لدكتور جلدية ...( ولا انسى اوصيكم انكم تبتعدون تماما عن كريمات التبييض والخلطات المشبوهة ترا كلها زئبق يعني مرض ابعيد عنكم )



انا بالنسبة لي كنت اعاني من بقع في الوجه مثل الكلف وحب شباب يطلع في وجهي اذا عصبت او تضايقت .. يعني حالة وجهي كانت ما اترقع

وصف لي الدكتور مرهمين واحد للبقع eldoquin forte وايد ممتاز مع اول اسبوع او اسبوعين راح اتلاحظين ان البقع اختفت

اما لحب الشباب retin -A طبعا اكيد عندكم فكره عنه وايد ممتاز بس انه يقشر الوجه ويخلي وجهج احمر كانه ملتهب بس خلال عشرة ايام وجهج بيرجع احسن من اول بس على شرط لا تتعرضين للشمس ... وعلى فكره الدكتور قاللي عنه انه ممتاز للتجاعيد

المهم خواتي انا هذرت وايد بس ما عليه عضوة جديدة مني العذر ومنكم السموحة


على فكره بالنسبة للخلطات الطبيعية اللي في هذا المنتدى او غيره من المنتديات جربتها انا مع صديقاتي يعني كل ازحير حطيناه ... اشعليكم عندكم فار تجارب بلاش :) اذا في اي استفسار او سؤال انا عند خدمتكم

أحبكم في الله واسأل الله الكريم رب العرش العظيم ان يجمعنا في جناته اللهم آمين

مع تحيات أطياب طيوبه الحبوبة :)