عضوه جديده......شاركوني همومي

يابنات حواء ما تتخيلو قد أيش أنا مبسوطه إني شاركت معاكم في المنتدى وخصوصا أني وحيده
وأنا من أول
أقرأمواضيعكم ومعاكم من شهور صراحه منتدى رائع المهم اناكنت عايشه في مدينة جده وتزوجت منذ 10 شهور وانتقلت مع زوجي الى قريه حاولت أتأقلم مع الحياه الجديده في البدايه كنت مبسوطه بأن صار لي بيت وزوج وحياه جديده وكنت مشغوله بداية الزواج بشغل البيت اللي مايخلص لإني دلوعه عند اهلي من شغاله في الثانيه المهم فذيك الايام كانت عليه هينه هذة العيشه بس الآن أنا في حاله مايعلم فيها إلاالله كرهت هذه المدينه وهي الباحه وكرهت حياتي مع ان زوجي انسان طيب وشقتي فخمه وكل شي تتمناه أي زوجه متوفرلي تعبت نفسيا أشوف الدنيا كلها سوداء أصبحت خايفه لا اعرف مصدر هذاالخوف
حالات إكتئاب تجيني الله لا يوريكم كرهت كل شي وانا عندي بكالريوس بس عاطله مافي وظايف زادت هذه الحاله بعد مارحت زرت أهلي كرهت الباحه اكثرر واكثر لي تقريبا أسبوع وأنا بس أبكي تخيلو وصلت الحاله إني انا وزوجي كنا في مطعم في العيد علىالبحرومع ذلك لم أحس بالفرحه التي تحس بها أي زوجه كانت مكاني وكنت مكنئبه وأشوف كل شي أسود ليش ماأدري علما أن بعد ملكتي وقبل زواجي بسبعة اشهر أصبت بالعين وكانت رجفة في جسمي ورجفه أشوفها أمام عيني
طبعا تعبت نفسيا وماخليت مستشفى في الرياض ولا جده مارحته كلهم ماهم عارفين اللي عندي واخيرا ذهبت لشيوخ المهم في النهايه ولله الحمد عالجت نفسي أنا بسورة البقره والحمد لله بس الحين مأدري إيش أسوي محتاره في الكأبه اللي أنا فيها ساعدوني جزاكم الله خير