عضوه جديده 😊👋🏻

السلآم عليكم
وصبَاح الورد لِسيدات المنتدى 🌸
حبيبااتي ادري يمكن بدأتو تحسو بملل من ناحية العضوات اللي يدخلو المنتدى بغرض المساعده ..


و انا منهم 🌝👋🏻 ، بدايةً المنتدى من ناحية اني كنت دائمًا ابحث عن وصفات اكل وكيف اتقنها ..
فكنت كل ما ابحث الاقي عالم حواء الجميل اول الخيارت 😍👍🏻 ساعدتوني وساعدتو غيري وبعضكم كتيير بمشاركتكم ونصايحكم ..

والأن انا فعلاً اعاني مشكله صغنونه 🙊 واحتاج مساعده عشان كده مالقيت غير اني اسجل بالمنتدى اللي المساعده فيه دائمًا موجوده من عضواته المميزات 😍👌🏻✨< ادري طولت حبتين 🌝 استحملوني شويا 🙈

انا حبيباتي زوجي جاب من نوع رز اول مره اسمع فيه ؛ اللي هوا رز العنبر .. رز جديد عليّا ومو متعوده اسويه < كنت متعوده على رز شعلان 🤔 ..

فمن جد احتاج مساعدتكم في طريقة عمله .. صح في مواضيع هنا عنه وقرأتها وجربتها مع الرز بس ابدًاا ما يزبط معايا سويت كل الطرق ولا صار شي < يا يطلع معجن يا ناشف 😓💔

فمن جد محتاجه مساعدتكم في طريقة عمله لأنو زوجي بدأ يضايق 🌝😬 فَ أتمنى تكتبلولي طريقة عمله بالتفصيل الملل ..
كم مره يغسل : ، مدة النقع : ، هل ينقع بماء عادي او حار : ، مقدار الماء ( كاسة رز ١ انا اسوي ) :
هل يوضع زيت او سمن له : ، هل اغطي القدر بعد ما اخلص : ، كم مدة طبخه :

ادري اسألتي كتييره بس من جد تعبت ومحتاجه مساعده 😢💔 ونفسي اشوف الرز لزيز وكل حبه لحالها 😓

اعذروني ع الكلام الكتير وشكرًا يا جميلاتي مقدمًا 🌹💕💕