عضوه جديده تطلب منكم المساعده والمشوره في مشكلتها ولكم الأجر.

الله يشفيك ويجبر بخاطرك لازم ياقلبي تستمرين على الرقيه انا الحين مستمره على الرقيه ماشاء الله واحس بتعب شديد ونفسيتي زفت وزاد علي وسواس الموت بشكل فضيع لاني ضاغطه على نفسي بالرقيه الله يشفيك ويشفيني وجميع مرضى المسلمين

أختي الله يشفيك ويعافيك وربي يجعل ما أصابك أجر وثواب لك

غاليتي بما أنك ما تقدري تروحي لشيخ فادخلي منتديات الشيخ عبد الله الخليفة ابحثي عنه في غوغل هناك حيساعدوك ويوجهوك لخطة علاج بشكل منتظم بدون ما تتخبطي وحدك بالرقية

في المنتدى أختي يتعاملون معك بسرية
وما يقولون شو عندك عين ولا سحر لحد ما تخلصي علاجك وهي ميزة حلوة مشان ما تدخلي بالوسوسة
استعيني بالله وقوي نفسك على العلاج وان شاء الله ما ياخذ وقت طويل للشفاء

أنا تعالجت عندهم والحمد لله ب 3 شهور انتهت مشكلتي وشفيت من حسد وسحر
كانت دراستي متعطلة وأمور زواجي متعطلة
أما الآن الحمد لله شفيت وجالسة ادعي ربي يتمم علي شفائي وأتزوج (:
دعواتك لي بالزوج الصالح

ياقلبي وسعي الخاطر والحمد لله على كل حال ربي يشفيج ان شاء الله انا بقولج وش تسوين وان شاء الله ربي يعينج لاني كنت نفسج وصلت مرحله مااصلي ولا اقرا قران ولا احب اي شي من الطاعات والحمد لله على كل حال لحد الان اجاهد نفسي وبوقف معاج ان شاء الله والبنات ماراح يقصرون بس بعطيك امور تعملينها بحذافيرها وباذن الله بترجعين احسن من قبل ان شاء الله

اولا: كوني على وضوء 24 ساعه

ثانيا : اكثري من سبحان الله الحمد لله لا اله الا الله الله اكبر

ثالثا : تصدقي كل يوم واذا ماعندك اشتري نبته ولا سمكه زينه ان شاء الله اسقي النبته ولا اكلي السمكه المهم اعتبريها صدقه لوجه الله وصلي الضحى فهي صدقه عن كل مفصل بأذن الله


رابعا :سورة البقره خليها شغاله في بيتكم 24 ساعه المسجل اللي يقلب الحالها والتلفزيون خليه على قناة المجد خليه يختم القران في بيتكم كل ثلاث ايام مره واسمعي الرقيه العامه ثلاث مرات باليوم او رقية الحسد بالذات انا افضل العامه كبدايه وبعدها خصي رقية الحسد واذا حبه تجمعي الثنتين وادخلي موقع عبدالله الخليفه بتستفيدين واجد


خامسا: خذي مرش وخذي ماي واقري فيه الرقيه الشرعيه العامه والمعوذات وحطي فيه ملح خشن ومسك ابيض ورشيه في غرفتك وبيتكم وادخلي موقع عبدالله الخليفه واقري عن تحصين المنزل


سادسا: تمعني في نفسك توبي عن سماع الاغاني مثلا شوفي وين اللي مو صح فيك وعدليه وقولي يارب انا تبت لك توبه نصوحا ربي مابلانا الا لحكمه ربي اذا حب عبد ابتلاه ربي يبيك تغيرين من نفسك حاولي تتقربين من الله عز وجل ومن توكل على الله ماخاب اسمعي محاضرات عن حسن الظن بالله والتوكل على الله ومن ترك شيئا لله عوضه الله خيرا منه شوفي لحد الان ماقلت لك سوي كله اقولك اسمعي اسمعي اسمعي كبدايه


سابعا: اذا كان عندك كسل في اداء الطاعات انا كنت من الكسل مااقدر اصلي وريحتني واجد قبعة المسك هاذي ضروري تستخدمينها لانها بتوقف عندك الوسواس والكسل والخمول وبتريحك واااااجد بتحسين براحه مو طبيعيه اذا استخدمتيها بترتاحين وااااجد بتلقين موضوعها في المنتدى وفيه منتدى الشيخ عبدالله الخليفه بتريحك وااااجد بتخلي العارض ينزل من راسك ولا راح يثقل عليك الطاعات وبتحسين نفسك خفيفه وانا في البدايه صرت البسها 24 ساعه بعدين صرت البسها وقت النوم بس انتي شوفي اللي يريحك وسويه ودوم احتسبي الاجر لله


ثامناَ: عليج اختي بعد ماتعملين اللي قلته لك فووق انك تبدين بعدها لو بأسبوع تقرين البقره ولو صفحه باليوم ولا قسميها على ثلاث ايام كبدايه لين تقدرين تقرينها مره باليوم


تاسعا: ادهني جسمك بالزيت المقري وقت النوم جسمك كااااااااااامل ويفضل تخلطينه بزيت حبة البركه والشذاب بترتاحين واجد


عاشرا : وهذا اهم شي (( الدعااااااااااااااء)) ألحي بالدعاء اعتصمي بالله لاتوقفين علقي قلبج بالله عز وجل ربي ماراح يخليك احنا بنشجعك اليوم بكره بعدها كل وحده بتروح في حال سبيلها انتي معاك الله الرحمن الرحيم احن من قلب الام على ضناها والله اذا تعلق قلبج بالله لن تحتاجين لاي وحده فينا توقف معاج اختي اسمعي وأيقني ان الله راح يجيب دعائج ربي عند حسن ظن عبده به فأحسني الظن بالله وموفقه ياااااااااااارب الله يشفيج

الله يشافيك ويشافيني...ويشافي كل مسلم...
حاسه فيك والله..

دائما العلاج في البداية صعب وبتتعبين كثير لكن مع الاجتهاد والاستمرار بتخفين
تدريجيا والأغلبية كذا

الأخت تعبت أقوم وأطيح أعطتك المفيد وأنا أقولك رقيتك لنفسك بصوت مسموع ضرورية