ممكن تشرحين هالنقطه بشكل اوضح


قبل ولا بعد ...ومتى بالظبط يكون قياسها 5 واذا كان اكبر من 5 يعني مانعملها ولا شنو

الله يوفقج ردي ع تساؤلاتنا

ماشاء الله الله يخليهم لك
ننتظر اجابتك على البنات

صح نسيت اسالك ايش كنتي تاخذين علاج للبطانه

الله يجزاك خير سبحان الله ماندري وش الخيره في عدم تاخير الحمل متى مااراد الله يقول (كن فيكون) وحنا نراكض في كل مستشفى ويقلون مافيه امل والامل في يد الله انا قالولي نسبه الحمل عندك ضعيفه تساوي خمسه بالميه ومع كذا مايأست لاني عارفه ان لي رب ارحم من الجميع يارب ترحمنا وترزقنا الذريه الطيبه

ايوه اخواتي ثاني يوم من الدوره تروحين عند الدكتور ويسوي لك اشعه من المهبل ويعلمك كم سمك بطانة الرحم لو يقولك 6 لا تسوين ابدا انا باقولكم علي خطواتي بالتفصيل : رحت مستشفى الدكتور سليمان الحبيب عند الدكتور نعيم ابوشيخه الشهر الاول اعطاني حبوب دوفاستين عشان تنزيل الدوره (طبعا دورتي ماتجي الا كل 6,7 اشهر ) وقالي تعالي ثاني يوم الدوره ثالث يوم ماينفع وخلصت الدوفاستين وجات الدوره ورحت ثاني يوم وسوالي اشعه مهبليه وقال ماينفع الشهر هذا واعطاني الدوفاستين مره ثانيه وقال اذاجتك الدوره تعالي وجات الدوره الشهر الثاني ورحت ثاني يوم وسوا اشعه وقال برضه ماينفع 3 اشهر اول شهر كانت بطانه الرحم 11 وثاني شهر كانت 8 وثالث شهر كانت 5ونص قالي مبروك يالله نبدا العلاج طبعا العلاج ابر منشطه قويه جدا من 3يوم الدوره اي 15 وطلع عندي 14 بويضه تختلف احجامها من 8و9 15 18 19 20 ويوم توفر 5بويضات حجم 22 سحب 5 وبعد يومين رجعها كلها مانجح الا 3 اطفال بس يااخواتي لازم الصبر خصوصا ان الابر المنشطه تهد الحيل وقالي لا تحللين الا بعد اسبوعين والله اني من كثر ما انا مشتاقه للاطفال حللت من خامس يوم وماطع وحللت بعد اسبوع وطلع خط خفيف واتصلت عليه وقال الله يهديك ليش تحللين بدري عموما مبروك هذا حمل وبما انه طلع خط خفيف بدري فهو اكثر من جنين والله اني بغيت اموت من الفرحه والدليل اني كنت احلل في المدرسه انا معلمه وكلمت الدكتور وانا في المدرسه وهاتك يا بكاء بعد ماتاكدت اني حامل انا وزميلاتي هذا كان عام 1425 وفي عام 1428 كررت نفس الشي والحمد لله والله يرزق كل محرومه (((( ملاحظه )))) العمليه الاولى سواها لي الدكتور نعيم ابوشيخه والعمليه الثانيه سواها الدكتور توفيق حمزه جعفر سواداني وكلهم ممتازين جدا في مستشفى الدكتور سليمان الحبيب توفيق السوداني موجود الى الان امانعيم ابوشيخه اردني وراح من عام 1426 وعذرا علي الاطاله واي استفسار انا حاضره .........