فرناز @frnaz

عضوة شرف في عالم حواء

عضوه عمرها 16 سنه تقدم حلول بمشكلة اسرية فيها طلاق ؟؟

:26:

السبب اللي خلاني انزل الموضوع اني احبكم وخايفه عليكم من بعض الردود ؟؟

اكيد في حلول رآئعه ، ونصائح تكتب بماء الذهب ،، بغض النظر عن العمر ،،

ممكن تكون صغيره بس عاقله فاهمه الحياة ؟؟ البعض صغيره بالعمر وعندها خبره ،،

والاكيد فيه العكس ...

عشان كذا ياليت تنتبهون من المشاكل المصيريه ؟؟

تكتبين مشكلتك مع زوجك وما تدرين من اللي يرد عليك ؟؟

وش عندها من خبره عشان تحل مشكلتك او مشكلة احدى قريباتك ..!!

حتى لو كانت عارفه تتعامل مع زوجها ،، مو شرط تكون قادره تحل مشكله اسريه ؟؟

لان زوجها يختلف عن زوجك بكل شي ؟؟ التعامل مع الرجال يختلف حسب شخصيته ؟؟ واحيانا حسب ما تربى عليه ؟؟

فيه الهادي العاقل واللي سهل تتعاملين معه ؟؟ وفيه العصبي اللي بغلطه يحوس الدنيا ؟؟

وفيه العنيد اللي اهم شي رأيه يتنفذ وبس ؟؟ وفيه المريض اللي لازم تتعاملين معه بأسلوب ونصيحه من طبيب نفسي ؟؟ ووو

طيب وش عرفك العضوه هذي اللي ترد وتحل مشكلتك فاهمه الرجال والشخصيات ؟ او اقل شي عندها خبره ؟؟

والا ترد بسرعه على مشكلتك وتعتبر موضوعك من ضمن عشرات المواضيع اللي ردت عليها وبس ؟

والله اني شفت عضوه هنا تحل مشكله فيها احتمال طلاق عارفين يعني ايش طلاق يعني ابغض الحلال الى الله ..

وتنصح وترد وللاسف ردها ؟؟؟؟؟؟؟؟؟!!!!!!!!!!!

طبعا بعد ما لفت نظري الرد طبيعي بشوف العضوه .. والله اني تفاجاءت انها عضوه دايم اشوف مواضيعها وردودها ومره

وبأحدى المواضيع قالت انا عمري 16 او قالت 15 ؟؟ وبعد شهور تطورت وصارت مستشاره اسريه على غفله ؟؟

حبيبتي انت اللي تنزلين مشكلتك اكيد انك كبيره وفاهمه وما اعتقد الان البنات يتزوجون صغار ؟؟

مافي اهل يزوجون بناتهم صغار ؟؟

طيب ليش تنزلينها هنا وانت عارفه كيف بيكون اختلاف الردود والحلول ؟؟

بعض المشاكل تستغربين كيف مشكله زي كذا تستشير فيها الآف العضوات ؟؟

والله ما تنفعك الفضفضه بهذي الامور ؟؟ وبتزيد مشكلتك وبتخليك بحيره من أمرك ؟؟

ترى الفضفضه تكون بمشاكل عاديه فقط ..يعني المشاكل الصعبه واللي يترتب عليها مصيرعائله كامله

المفروض ماتنزل على العام ؟؟

تخيلي انك بجلسه فيها 10 بنات .. وانت عندك مشكله مع زوجك مره تعبانه منها ..

قمت وقلتيها وطلبتي من الجالسات يقدمون لك الحلول ؟؟ بالله وش بتسوين ؟؟ بتاخذين رأي مين والا مين ؟؟

اللي فاهمه واللي عاقله واللي عجوله واللي عاطفيه واللي عصبيه واللي حكيمه واللي صغيره واللي لعابه

واللي دوبها متهاوشه مع زوجها عاد هذي الله يستر من حلها :eek: واللي نفسيتها تعبانه من مشكله ماعرفت تحلها ؟؟؟

واللي تعبانه والحلوه مشرفه ولا تبي احد يكلمها بس للاسف ادلت بدلوها وقدمت النصيحه ؟؟ والله يستر من حلها ؟؟

هذا وهم عشره احترتي ولا تدرين مين افضل حل ؟؟ كيف هنا بالمنتدى ؟؟

كل وحده تجتهد بالحل بس الاكيد الله يستر من النتايج ؟؟

انا مااقول لا تستشيرون ؟؟

بالعكس استخيري واستشيري اللي عندها خبره وعاقله فاهمه ؛؛

وثقي انه مستحيل نستغني عن المشوره ؛ بس لابد نحسن الاختيار ..

وبالنسبه لبعض الردود والحلول الصراحه ماني قادره اتكلم عنها لاني اخاف اغلط ؟؟

بس احب اذكر نفسي واذكركم بهذي الاحاديث ..

قال الرسول صلى الله عليه وسلم :

( من خبب عبدا على أهله فليس منا ، ومن أفسد امرأة على زوجها فليس منا )

الراوي: أبو هريرة المحدث: الألباني - المصدر: صحيح الترغيب - الصفحة أو الرقم: 2014

خلاصة حكم المحدث: صحيح

قل رسول الله صلى الله عليه وسلم :

((إنّ المفلسَ من أمّتي من يأتي يوم القيامة بصلاة وقيام وزكاةٍ، ويأتي قد شتم هذا

وقذف هذا وأكل مالَ هذا وسفك دمَ هذا أو ضربَ هذا، فيُعطى هذا من حسناتِه وهذا من حسناتِه،

فإن فنِيت حسناته قبل أن يَقضيَ ما عليه أخِذ من خطاياهم فطُرحت عليه فطُرح في النّار))

رواه مسلم

قال عليه الصلاة والسلام : .

"ما ضل قوم بعد هدىً كانوا عليه إلا أوتوا الجدل"... ثم تلى قوله تعالى :

(مَا ضَرَبُوهُ لَكَ إِلَّا جَدَلاً بَلْ هُمْ قوْمٌ خَصِمُونَ)

(ابن ماجة وحسنه الألباني)

قال صلى الله عليه وسلم ..

"ومن خاصم في باطل وهو يعلمه لم يزل في سخط الله حتى ينزع".

(أبو داود وصححه الأباني)

وتذكري غاليتي ان الجدل ممكن يكون سبب لحرمان الشخص من الخير ..

فــ ليلة القدر غير محدده ..؟؟

والسبب هو الجدل والخصام بين رجلان ..

واليك الحديث لتتأكدي ؟؟

عن عبادة بن الصامت رضي الله عنه قال:

خرج النبي صلى الله عليه وسلم ليخبرنا بليلة القدر،

فتلاحى ( تخاصم وتنازع وتشاتم ) رجلان من المسلمين فقال:

"خرجت لأخبركم بليلة القدر فتلاحى فلان وفلان فرُفعت،

وعسى أن يكون خيرًا، فالتمسوها في التاسعة والسابعة والخامسة"

(صحيح البخاري)

يلزم عليك تسجيل الدخول أولًا لكتابة تعليق.

تسجيل دخول

عاشقه الجنة • 13 سنة

جزإك إلله خير كلإمك صحيح

R 7 e e L • 13 سنة

صحيح كلامك بصرااحه استغرب من اللي تحط مشاكلهاا مع زوجهاا انتي ادرى بطبع زوجك وكيف تتعاملين معااه مو حنااا

رهمو • 13 سنة

جزاااكي الله خير

صاادقه في كل كلمه قلتيها

بس احيانا الوحده تنزل مشكلتها ع قولتك من باب الفضفضه

روعهـ الحرمان • 13 سنة

ماخاااااب من استشاار

والردوود متنوعه بس صدقيني تصدر

من خبرة وكتبووا مشاكلهم وين المشكله ؟؟؟

عمري لاتستهين بالعمر ترى الحيااة مو بالعمر

A_A_S_W • 13 سنة

العمر ياحبيبتي مو شرط يكون دليل على انه الوحده جاهله بالعكس والله فيه بعض الكبا ر جاهلات ولا عندهم علم
انا تزوجت وعمري 15سنه والحين انا 17سنه وعاااادي جدا نتناقش انا واخواتي بمشاكل مصيريه واقترح اراء والحمد لله ماشي حالنا فلا تستهينين