السلام عليكم ورحمة الله وبركاته
صلوا على النبي
اللهم صلي وسلم على نبينا محمد
طبعا مثل ما انتم عارفين المنتدى عضواته فوق 10 الاف
والمشاهدات كبير جداً
وفي اليوم تنزل مواضيع كثير
مابين مفيد وغير مفيد
مواضيع حبت فيه العضوه الفائده للغير
موضوع حبت في العضوه توصل فكره بس اخطات بطريقة الطرح فانقلب الموضوع هوشه
موضوع حبت فيه العضوه تسولف مع علمها بقوانين القسم
موضوع لا يمت للفائده بصله بس المهم تطلع اللي بخاطرها
ومع كثرة المواضيع
شد نظري موضوع لاحدى العضوات يوم شفت عدد المشاهدات والردود
وصدمت بصراحه
هذي صوره له شوفوه
لكن اللي صدمني اكثر ان موضوعها من عام 2006
ولازال موضوعها بالصفحات الاولى حتى وصل لعام 2011 وتثبت لفتره طويله
وتم اغلاقه لكثرة الردود وتم فتح موضوع جديد
تصدقون اني قريت موضوعها عام 2009 والى يومكم هذا ماخصلت قرائته !
وحطيته بالمفضله عندي بما انه مغلق وخفت ماعاد الاقيه
تصدقون اني صفحه ورى صفحه ورى صفحه مالقيت هوشه ولا استفزاز
تصدقون ان موضوعها فتح عيني على الاستغفار وشفت ثمراته
كل عضوه صارت تدخل وتكتب قصصها
وكثييييييييييييييييييييييييييييييير عضوات يدعون لها
شفتم الخير والفائده العظيمه اللي قدمتها في موضوعها
وكم وحده استفادت من موضوعها
فوق المليون مشاهده دخلوا موضوعها واكيد استفادوا
وكثير دعوات وصلتها من العضوات
بصراحه ان غبطتها كثير .. واكيد انتم بعد
بعكس بعض المواضيع للاسف الشديد الاقيه مايمت للفائده بصله
ولكن
الردود والمشاهدات بسم الله ماشاء الله مايقصرون
وبعض المواضيع مفيده ورائعه وقيمه
ولكن
الردود لكم عليها شوي والمشاهدات تقرأ وتطلع وربما البعض زائرات
ولو سالتي اي وحده من العضوات ليه سجلتي بعالم حواء
فبتقول
علشان افيد واستفيد
عالم حواء يعتبر من اشهر المنتديات *******ه
ولكن للاسف كثير من العضوات وانا منهم لاني ما اعصم نفسي من الخطأ
ما استغلينا هالفرصه وافدنا بكل اللي عندنا
حتى لو مانعرف نحط مواضيع مفيده .. على الاقل نرفع موضوع مفيد
لربما عضوه كانت محتاجه لهالموضوع وبرفعنا له استفادت
والدال على الخير كفاعله
يمكن كلامي موجديد عليكم وملينا من كثر مانحن ونطلب بتحسين المواضيع
ولا تهون الردود القاتله
بس اعجابي بموضوع العضوه وكمية المشاهدات والردود بموضوعها شدتني
فحبيتكم تشوفونه معاي
يمكن وحده من العضوات وانا اولكم نغير من طريقة طرحنا للمواضيع
لربما تكون شاهده لنا يوم القيامه مو علينا
فيوم القيامه ماراح ينفعنا لا مال ولا بنون
واللي طلبوني رابط موضوعها هذا هو:
هذا رابط موضوعها الاول واللي وصلت المشاهده لمليون
http://forum.hawaaworld.com/showthread.php?t=708736
وهذا الجزء الثاني ولازال مفتوح
http://forum.hawaaworld.com/showthread.php?t=3014108
طيب يا ران لو تحطي لنا الرابط ..
دائما مميزة بطرحك