السلام عليكم ورحمة الله وبركاته
زرت عمي في بيته
طلعنا بالحوش وولعنا فرن المندي وجهزنا الدجاج والرز وكل شي
كان حوارنا كله عن النعم
وقال لي قصة عن واحد كداد >> عجبتني كلمة كداد وهو يقولها ولذالك سالته عن معناها على طول
مدري حسيت ان وده يرميني في حفرة المندي مع الدجاج والرز :024:
المهم كداد يعني يكد ويشتغل في الطرقات
ينقل اشخاص من مدينة لمدينة او اغراض وكذا يعني
عمي عنده محلات لتصليح السيارات وجاء الرجال يصلح سيارته وقابله
وجلس يحكيه عن مواقف حصلت معاه في الكداده
يقول مره كان يوصل اغراض في طريق الجنوب ودخل مع طريق بر مو مسفلت بين جبال
وفجاة
لقي واحد افغاني جالس على جنب وواضح انه منزعج من شي
قرر صاحبنا يوقف سيارته ويشوف ايش فيه هالافغاني
نزل ولمن قرب منه الا هو يبكي
ساله ليه تبكي وش فيك
قال تعال اوريك
واخذه بيده الى حافة جبل وتحته منحدر وقال شوف
وهناك كان فيه قلاب كبير مليان ذبايح بارزازها يكبها في ذاك المنحدر ويمشي
والواضح انه مو اول ذبايح يقول المكان مكدس ذبايح فوق بعض
قال الافغاني لصاحبنا شفت النعمة هذي كان عندنا احسن منها وماشكرنا الله عليها ولعبنا فيها مثلكم والله اخذها مننا وعاقبنا
شوف حالنا اليوم في افغانستان حروب وجوع وقهر وانا خايف يصير لكم زي ماصار فينا ---- انتهى
من جد شي مؤسف
الاحظ في الزواجات على العشاء تكون الصحون مليانه لحم ورز والحريم من طبعهم ماياكلون باسباب المشداد < فكر انا مافي معلوم : biggrin:
والا عشان مايخرب البرستيج
وحتى لو اكلو مايمديهم يخلصون ولا ربع الصحن
وبصراحه حتى انا احيان ما اكل لاني ما احب اللحم الله يديم النعمه
لو يخلونها دجاج كان اكلت : icon31:
بس اللي يقهرني فين يروح الباقي ؟
ليه مثلا مايجيبون صحون المنيوم يحطون على كل سفرة واللي تبغى تاخذ معاها للبيت تاخذ
او بلاش ذبايح ياعالم والله البوفيه احسن والذ وارخص والاحظ انه يخلصونه الناس تقريبا
مره حضرت زواج وجايبين كراتين زي حقت الكيكات فاضيه وكثير حاطينها نهاية البوفيه
والام تدور على الحريم تقولهم خذو بالله عليكم اللي تبغون ماشاء الله
عجبتني بدال ماينرمي
قصة الكداد لها اكثر من سنة ولاقدرت انساها قلت اكتبها لكم للعظه والعبرة
والموضوع صدع براسي كل ما اكتبه يطير : 024:
والاخراج ياخذ وقت وانا مشغوله وتعبت : (
سلام :icon35:

@جالكسي@ @galksy_15
محررة ذهبية
يلزم عليك تسجيل الدخول أولًا لكتابة تعليق.

@جالكسي@
•
وين راحت الايقونات:huh:

ريفانتي
•
الله سبحانه اعطانا هذه النعمه لاختبارنا ماهو معناته انا احسن من غيرنا ولكن لينظر انشكر ام نكفر قيدوا النعمه بالشكر فالنعمه زواله جزاك الله خيرا اختي

يعطيك العافيه
بس جد البعض تحصلين عنده ضيف اوثنين ويذبح هريفي صغير ليه التبذير والمشكله اذا طلعو الضيوف
العالم نايمه ولا فيه احد بياخذ من باقي العشا والعمال من تحصلين صاحي وحده الفجر
يرب ادم علينا نعمه ولا تغضب علينا
بس سالفة اخذ من باقي العشا اذا هو بيت ابوي او اختي صح عادي بس ناس اجانب عنا لا والله صعبه
الله لا يحدنا يارب
بس جد البعض تحصلين عنده ضيف اوثنين ويذبح هريفي صغير ليه التبذير والمشكله اذا طلعو الضيوف
العالم نايمه ولا فيه احد بياخذ من باقي العشا والعمال من تحصلين صاحي وحده الفجر
يرب ادم علينا نعمه ولا تغضب علينا
بس سالفة اخذ من باقي العشا اذا هو بيت ابوي او اختي صح عادي بس ناس اجانب عنا لا والله صعبه
الله لا يحدنا يارب


الصفحة الأخيرة