مساء الخير
موب عارفه منين ابتدي بس انا عن جد مهمووومه وكابته بنفسي زوجي كل مشكله يطلعني غلطانه والله يشهد اني دايم اكتمها بنفسي واسكت المهم صارله فتره متغيرن علي مايقعد بالبيت ابد ماشوفه واذا قعد يجلس عالنت وامس قلتله وراك ماتقعد معي قال زين وش تبين سوالفك حافظهن مليت منهن وقلتله خلاص رح وجلس عالنت وعقبها. طلع مع اخوياه ماجا الا باخر الليل واليوم قالي يبي شاحن بيجلس عالنت وقلتله انا ابيه وجلست اقوله ابيه بس دقايق قام عطان كف وطلع مع اخوياه 😭 مين الغلطان الحين وقولولي وش ازين الحين بيقول انتي غلطانه والله نفسيتي تعبانه وش ازي قولولي وش الحل ولحد تجي تقول قولي لاهلتس لان كتبت من قبل لكم عن مشكلتي مع اهلي والله ضضايقتن بي
Neema 11 @neema_11
عضوة جديدة
يلزم عليك تسجيل الدخول أولًا لكتابة تعليق.
رنين الغد
•
الله يعينك ويصبر قلبك والله بعض الازواج غثى
moodka
•
الله يهديه
بس انا مكانك اجيب ابوي او اخوي او عمي للبيتي يتفاهم معه ويخشنون عليه بالكلام . لازم يهاب من اهلك ويحسب لهم حساب ولا بيستمر بأهانتك
اكبر علط لما الزوج يعرف او يحس ان زوجته ماتتحمل ترجع لأهلها
للأسف يستغل نقطه ضعفها وتهون عليه
بس انا مكانك اجيب ابوي او اخوي او عمي للبيتي يتفاهم معه ويخشنون عليه بالكلام . لازم يهاب من اهلك ويحسب لهم حساب ولا بيستمر بأهانتك
اكبر علط لما الزوج يعرف او يحس ان زوجته ماتتحمل ترجع لأهلها
للأسف يستغل نقطه ضعفها وتهون عليه
لاتسكتين له اذا مد يده
ترا بكرا تحلا له السالفه
واذا اهلك ماراح ياخذون حقك. خذي حقك بنفسك لاتنتظرين احد
ترا بكرا تحلا له السالفه
واذا اهلك ماراح ياخذون حقك. خذي حقك بنفسك لاتنتظرين احد
Neema 11
•
شلون اخذ حقي بيدي تعبت هز ثقتي كل شي ينتقدني واي شي اقوله يغلطني واذا سمع اكلم احد من اهلي يقول انتي نفسيه وليه تمزحين معه وليه تقولين كذا يبيني نسخه مننه يبيني رسميه مع اهلي تعبني كل شي يعلق عليه ويمد يده دايم اذا ماعجبه كلامي
الصفحة الأخيرة