عطرك بالعيد 🤒

السلام عليكم
حبيباتي مبارك عليكم باقي الشهر و الله يتقبل منا و يعيده علينا يارب
مثل مانعرف ما تكمل كشخه العيد الا بعطرك و اكيد كلنا جهزنا للعيد و لكن تبقى ازمة كل سنه عندي 😭 العططططررر
انا اموت بشي اسمه عطور بس للاسف اروح المحل الخبط من الروايح و ما اخذ شي او اخذ واحد مو عاجبني


قلت بستشيركم الله لايهينكم كل وحده تكتب عطرها و امانه عن تجربه مو تلقط اسم عطر و تكتبه و اهم شششي ما يكون منه عطور صغيره لان صراحة قهر اشترت كذا عطر و غاليات و بعدين اشوف مع البزران نفسها 😫 والريحه بعد نفسها و ماعاد للعطور حلا بعد ما سووها الله ياخذهم 😂
و ابغاه من وجوه او قزاز بحدود ٤٠٠ مو اغلى ،
و رايكم بعطر ايلي صعب و اولمبيا كلهم شميتهم يجننون بس ما ادري ماخذتهم خفت انه ملخبطه بروايح العطور ،


و بسأل عطور الجزيره هل هي ثقة نفس محمود سعيد و وجوه و قزاز ولا تقليد ؟ نفس باقي المحلات تعبئة من دبي و مدري وشو


و عيد سعيد علينا جميع يارب و الله يبلغنا العيد بدون نفقد او نٌفقد يااااارب ❤️🌹