عطروا حماماتكم ياملا الصلاح اللي يصلحكم لاتسحبكم البددددع

السلام عليكم ورحمة الله وبركاته

الموضوع ذو اهميه يامشرفاتنا خاصة في هذا القسم لانه رد على لموضوع اخر وهو تعطير الحمامات الخطر الغامض وهو ليس رد فقط ولكن تنبيه لامر خطير جدا في الشريعه وهي البدع


ياعزيزاتي بنات حوا انصدمت كثير من الموضوع السابق واللي صدمني اكثر ردودكم فيها ..

وش تلاحضون الفرق بين ردة فعلكم يوم قريتوا الموضوع وبين الشيعه اللي قالولهم عائشة رضي الله عنها حاربت علي وصدقوهم على طول

وطبعا مع كامل احترامي للاخت صاحبة الموضوع وانا لا اتهم اختنا الكريمة بنوايا سيئة ولكن المثل ضربته حتى تعلموا مدى الخطورة في الموضوع

المشكله هي بمجتمعنا اللي صار يصدق كلش:confused: الحين ياملا الصلاح انتي واياها يوم قريتوا مايجوز تعطير الحمامات سألتوا وين الدليل؟؟ سالتوا من الشيخ اللي منعها او حرمها او حتى قال لايستحب؟؟ بحثتي بنفسك بالنت؟؟ كل شي ينقاللكم تصدقونه!! لو الموضوع عام نقول ممكن تنبلع لكن شي بالديين وتحرمين شي الله احله لك ماتدرين وش خطورة هذا الامر هذي صاررت بدع مالها اساس بالصحة لو بكرة سالك احد عن تعطير الحمامات بتجاوبين بكل ثقه وانتي مؤمنه انه مايجوز والجن تتلبسك اذا تعطرتي بالحمام وهي تتغذى عليها ومنذا الخرابيط المناقضه تماما لديننا يعني صرتي مثلك مثل اهل البدع اللي تشوفينهم وتستغربين افعالهم تقولين مايسالون شيوخ ماعندهم عقل يفكرووون!!!


المشكلة البنات مؤيدات والسبب اننا اقتنعنا بالموضوع!! حبيباتي .. هذا دين مافيها اقتنعت بفكرتك ولا ماقتنعت مو حنا اللي نحلل ونحرم اذا سمعتي شي اول شي اسالي عن الدليل او ابحثي بنفسك
الموضوع ضيق صدري ان له صفحات كثيرة كلهم اقتنعو على طول مافي وحدة قالت ابي دليل او على الاقل الشيخ اللي قال هالكلام وهالشي تشوفونه بمجتمعنا كثير تجي وحدة وسط المعازيم تقول ترا يقولون مايجوز تطلعين الدرج بسرعه لازم بشويش كل الموجودات يقولون صدق:glotz: وخلاص يبدون يمشون بشويش( طبعا مجرد مثال سخيف شوي:11:) بس هذا الملااااحظ

قريت الصفحات كلها انتظر وحدة بحثت او شي وكنت انتظر اخلص وابحث بنفسي بس تفاجات كلهم صدقو واقتنعو لا وحكموا على انفسهم انهم جاهلات وهي نورتهم اخر شي لقيت مون غامد الله يجزاها الجنه ويرضا عليها حطت الكلام اللي يجمد على الشاااارب كلام وادله وبراهين مو اتوقع واتخيل وهذا هو بقتبسه بعد اذنها









طبعا ممكن تقولون الموضوع مايستاهل كلها حمام عطرتي ولا لا بكيفك ماتسوا ذالصجه اللي مسويتها بس اللي خلاني اكتب ذالموضوع مو عشان التعطير وبس هي على الفكرررة كلها اننا نصدق شي بالدين وخلاص نحرمه على انفسنا او نحلله بمجرد انه انقالنا كلام بس!! وهذا موضوع ابدا موو هين الله يرضا عليكم