عطفا على السؤال(كم وصلت اسعار المهور؟)

كثير من البنات زعلوا علي عند طرحي لسؤالي السابق ( كم وصلت اسعار المهور):icon33: \

حبيباتي انا كنت مقهوره من موقف وهو اللي لخبط عندي الموازين كلها

الموقف هو كالتالي :

عندي اخ طيب وخلوق جدا جدا بلا مبالغه وسمعته ممتازه ومتعلم ومثقف وكثير من الناس شروه شرى ويعرضون بناتهم عليه لانه من جد محترم من كان صغير ( بدون مبالغه )

وغير كذا بالعربي الرجال ينشررررررررررررررررا مره

لا من عقل ولا من دين ولا من اخلاق كل شي تمام عنده

اخوي هذا حب يتزوج وهو انسان يحب البساطه واكره مايشوف المظاهر قال ابي تشوفولي بنت حلال من ناس متواضعين واهم شي الاصل

المهم خطبنا له بنت وتوقعنا انه يرفض لاننا قلنا ترى البنت مش جميله لانه هو وسيم وليست متعلمه لانه هو متعلم جدا
وصراحه الولد وافق وقال اهم شي الاخلاق والعائله وانا انسان ماتمهني المظاهر

قلنا توكل على الله وخطبناله البنت ووافقوا وراح يعطيهم المهر

عطاهم المهر وقالهم انا انسان احب البساطه وانسان ابي يكون زواجي بسيط مره مره وابي البنت بثيابها

وصراحه المهر كان معقول وليست عالي وليس منخفض لاكن بحدود المعقول وكثير يتزوجون بمثله هالوقت واخوي لا تشرط عليهم ولا طلب شي


المهم تفاجأنا بعد يوم بأم البنت تتصل وتلمح وتقول المهر قليل ونا بشتري وبحط وتقول حنا خسرانين بالاسهم ولا كان زودنا :42:
صراحه حنا انصدمنا مرررررررررررررررررررررررررررررررررررره

واخوي انصدم مررررررررره واحبط وقال هم شارين رجال ولا مهر واول ماسمع الخبر راح توضا وصلى ركعتين

وقال انا محتار ودي اهون بس اخاف اظلم البنت ويكون مالها دخل وهالتخطيط من ام البنت

وانا والله ماهمتني ازود بس هالموقف كشفلي العائله هذي اللي ابرتبط معهم طول العمر
وعمر الماديات ماكانت اساس بالزواج

وبعدين فكر وقال لو ابو البنت متصل وطالب هالشي كان هونت علطول اخاف الام تصرفت من نفسها

والله صدق زمن

حنا قلنا هذولا ناس متواضعين ولا تهمهم الماديات ولاكن للاسف الظاهر الدنيا عكس :(
لان اخوي اللي اكبر منهم متزوج من ناس اغنياء وعطاهم نفس المهر ولاقالوا شي بالعكس قالوا الله يكثر خيركم


الحين يحقلي اسئل هالسؤال هذا السؤال ولا لا؟:(