هذي مجموعة من عطوراتي الي استخدمتها للدوام في المؤسسة التعليمية الي أشتغل فيها، طبعا بتلاحظون أن الزجاجات فاااضية والسبب إني قضيت عليها، وطريقتي اني أستخدم عطر وأكمله وبعدين آخذ الثاني
S
من أوائل العطور الي استخدمتها Sunkissed Glow من ماركة جينيفير لوبيز
هالعطر منعش و"لذيذ"، وفيه نفحة من زهرة البرتقال والمسك
يعتبر جديد نوعا ما ( 2009 )
G
نجي للعطر الي سحرني من جماله وروعته
عطر مميز لأبعد حد، لما اكتشفته قلت خلاص هذا العطر الي باعتمده للدوام وبيكون العطر الي يميزني
هو Linstant de Guerlain من جيرلان ( 2003 )
وكثير من زميلاتي سألوني عنه، حتى مديرتي أعجبت فيه وسألت عن اسمه
لكن الي خلاني أشتري غيره هو سعره المرتفع خصوصا اني اعتمدته للدوام
كررت العطر مرتين، وأخذت معاه اللوشن والشور جل
كان يحسسني بالثقة وإني انسانة ذوووق خخخ
B
عطر ياسميني ويحسس بالنظافة و الانتعاش
وفيه تميز مو معقول، لما يبرد يعطي على باودر
العطر اسمه Omnia Green Jade من بولغاري ونزل 2009
L
عطر Jeanne Lanvin من لانفين ( 2008 )
حلو و بارد ويجيب الوناسة ويفتح النفس
خلصته في مدة قياسية كأني شربته !!
U
أما العطر الي حقق رقم قياسي في عدد التعليقات والمدح من زميلاتي
هو Burberry Brit Sheer من بربري ( 2007 )
بصراحة اشتريته لأنه أعجبني من أول شمة وبعد الاستخدام حبيته أكثر
ومع عبارات الإعجاب زاد تعلّقي فيه
وحده لما دخلت مكتبي قالت الله شنو هالريحة الحلوة، ووحدة قالت لي ضروري آخذ لي مثلج
وبعد قالوا لي انه مميز، و ان ريحته صايرة تميزني لما أمر صوبهم فيتعرفون علي
كنت أستخدم معاه الشور جل و اللوشن
A
والعطر الي أستخدمه حاليا هو Amethyst من ليلكي ( 2007 )
حبيته من أول ما شميته، وعرفت أن الغالية شام الغرام تمدحه فاشتريته بكل ثقة
العطر فيه جاذبية وأنوثة وتصنيفه فلوري فروتي
ممنوعة من الحزن @mmnoaa_mn_alhzn
عضوة فعالة
يلزم عليك تسجيل الدخول أولًا لكتابة تعليق.
أمول المسعودي
•
حلووووووين
الصفحة الأخيرة