السلام عليكم ورحمة الله وبركاته
اليوم يايبتلكم مجموعه عطور .. بس تتوقعون لمن ؟
للمتميزين
لالالا
اكثر من هذا << لوووووووووووووول تتذكرون دعايه كرافت قبل مليون سنه
نسائيه
لالالا
رجاليه
لالالا
عطوري اليوم حق ..
هالحلوين :42:
ما يشووووووووووووقوووووووووون .. صدق ربي .. زينه الحياة الدنياا ..
اللهم .. بهذا الوقت الفضيل .. حيث تتزل يا ربنا الى السما الدنيا نزولاً يلق بجلالك و عظمتك و سلطانك .. في الثلث الاخير من الليل .. وتسئل .. هل من داع فاستجيب له ..
يا رب .. يا كريم .. يا عظيم .. يا جواد .. يا رزاق .. يا معطي .. اسئلك ان ترزق ( دريم مام و tesaheel ) و كل محروم من الولد الذريه الصالحه ..
اللهم يا حنان يا منان .. تحنن عليهم و ارزقهم الذريه الصالحه المصلحه .. الهاديه المهديه .. كااامله الخلق من غير زياده ولاا نقصان .. حسنت الخلق و الخُلق .. اللهم اعطهم ولاا تمنعهم و ارضهم .. وارضى عنهم يا كريم
اللهم انك تبتلي من خلقك من تحبهم .. ربي اني اسئلك بحبك لهم ..ان ترزقهم وتسعدهم عاجلا غير اجلٍ .. اللهم صب عليهم من خيرك وفضلك صباً يا كريم .. آمين
يعلم الله اني احبكم tesaheel ودريم مام :26: و اتمنى من كل قلبي تبشروني بحملكم القريب ..
وانتوا ادعولي بالزوج الصالح :arb::icon28: <<< اللي اختشوا ماتوووو :22:
صارلي فتره .. اجمع اسامي عطور مني ومني .. وطبعا كل العطور انا شخصيا شاامتها ومجربته << لوووول شكبري شلون مجربتها !!!!
احب اتعطر بالعطور الناااعمه والخفيف والبارده للبيت .. او الصبح .. او حتى بليل قبل النوم << حلو الانسان ياخذ شوور داافي ويتعطر قبل النوم .. حداااا ريلااااااااااكس :icon18::2thmup:
كذا مره الاقي مواضيع يسئلون عن العطورات اللي تناسب البيبيات .. وانهم محتارين مع اطفالهم يبيون يعطرونهم بعطور تتناسب مع عمرهم ... الخ
طبعا في في بعض العطور تناسب البنات والاولاد ..
وبعضهم يناسب البنات فقط والعكس صحيح
وبعضهم يناسب البيبات اللي عمرهم شهر ..... الى ....تقريبا 6 سنين
نصائح عامه :
طبعا البيبي اللي بالاشهر .. حاولي كثر ما تقدرين ما تعطرينه الا للزيارات ..
ولو حبيتي تعطرينه .. حطي شوويه عطرعلى الملااابس عند الذارعين .. والارجل .. و البطن << ابتعدي عن ناحيه الوجه شوويه
حتى ملابسه حاولي تغسلينها بمخفف داوني او كونفورت مدري كومفورت << تحسووون وحده ما تدري شالسالفه خخخخ
جد .. في ناس يحطون كميه كبيرررررررررره من الشامبوات المعطره باخر شطفه .. علشان تبي ريحة الملابس تفووح .. للكبار مو مشكله بس للاطفال ( خصوصا اللي بالشهور ) مو زين دير بالك ... لان الله يكفينا الشر اذا كبروا يصير فيهم ربو او ضيق تنفس .. << طبعا كلشي مقدر و الانسان يأخذ بالاسباب !!
طبعا مثل ما تعرفون يا حلوين البيبات صعب جدااا تسبحينهم كل يووووم !!
ويا حلاااتهم ما تطلع فيهم روايح شينه لانهم كلا نايمين :23: خخخخخخ ما في حركه وعرق <<< ابتدت تلوع جبودكم
بس مرات الحليب او القيء=الترجيع :09: يوسخ الرقبه .. او الصدر
في هذي الحاله استخدمي مناديل جونسون .. وكل صباح اذا بغيتي تبدلين ملابس البيبي مسحي الصدر والرقبه .. و الابط .. و بين اصابع القدم << اذا كان يلبس جوارب طوول اليوم ممكن تطلع ريحه .. او يتجمع الوسخ بين الاصابع
-------------------------------------------------------------------- يتبع
يالله نبتدي موضوعنا ..
لاطفال الشهور الاولى ==> ضروري تتاكدين ان العطر يناسب اطفال الشهور الاولى .. لان مو اي عطر ممكن تعطرين فيه بيبي شهر او شهرين او حتى 6 شهور !
طبعا ما في داعي اذكر بعطور جونسون <<<< معرووووووووووووووفه جدا
في عطر من بلغاري <<< شفتوا شلون بيبياتكم كشخه :22:
هالعطر اسمه Petits et Mamans ما في غيره عطر بيبيات عند بلغاري
ريحته روووووووووووووووووووووووعه .. كل مره اروح محل عطور امر اشمه خخخخ .. والله ريحته تينن .. باااارده .. وكانها بودره ..كانها وروود << خليط حلووووو وريحة بيبياااات
واذا تحبون في منها طقم (شورجل .. وصابون ... واشياء ثانيه ما ركزت الصراحة )
عطور kaloo
الصراحة ما اتذكر الروايح (شميتهم من زمان ما اذتكر ريحتهم بس كانت ريحه تناسب الاطفال )
اشكال عطورهم تشوووووق .. اللي على دب واللي على ارنب .. شوفوهم كيووت
عطور جاكادي
طبعا هذي سلسله محلاات معروفه ومتخصصه بملابس الاطفال
عندهم كذا نوع من العطور .. للامانه اللي بالصور ما شميتهم ..ز بس شميت كذا عطر منهم نوع ثاني وراويحهم بشكل عام تتصف بالنعومه والبروده ..
وفيه مجموعه كبيره من العطور .. بس هذا الي حصلة صورته
بالنسبه لبنات الكويت تحصلونهم عند فورايفر اي مكان يبيع فورايفر وشخصيا شايفتهم بالروضه .. باقي الدول يعذروني .. ما عندي فكره وين ينباعون !!
-------------------------------------------------------------------- يتبع