عطورات ماتحبيها اش تسوي فيها؟؟ الموضوع لتجاربكم

بسم الله الرحمن الرحيم

الموضوع باين من عنوانه كثير نتورط في عطور مانحبها :eek:وصعب الواحد يستخدم عطور مايحبها لأنها تعبر عن شخصيته <<< انا اشوف كذا:42:

غالباً ماتكون هدايا او انك انضحك عليك في السوق اشتريتيها او او ... الخ

الزبده اش راح تسوي فيها:06:

عندي كم فكره اطرحها وبانتظار باقي تجاربكم

1-
الإهداء ممكن هالعطور ماتعجبك لكن تعجب غيرك وتفرحيه فيها انا ايام زواجي كان طبعاً عندي عطور وجاتني هدايا وسارت العطور كثيره خفت تخرب وانا ماستخدمتها جاتني هدية مجموعه عطور وبخورات اخذت عطر صغير اهديته اختي الصغيره كان ريحته ناعمه وتنفعلها :icon18:

2-
الاستخدام غير الشخصي مثلاً انا مره جاتني هديه مجموعة عطور صغيرة ريحتها فيه 2 ماحبيتها كان واحد منهh بالبرتقال ريحته منعشه خليته لتعطير الحمام اكرمكم الله
3-
ممكن تستخدميها في الفواحه:39:
4-
او تستخدميها لتعطير السيارة
5-
عطر ريحته خفيفه استخدمته في طقم المجلس حطيته في المرش وزدته مويه عشان يسير مخفف(اللي يحطوا فيه العطر ويستخدموه بعد العشا يرشوا شوي على يدينهم)

اممم اش كمان??
6-
ايوه صح احياناً العود والكمبودي وغيره لما تطول اذا كانت مو اصليه ريحتها تتغير تسير مي محببة للاستخدام اسألي ابوك او زوجك للي يستخدموا العوده لا ترميها اذا عندكم ضيوف مسحي نقاط منها في منشفه مبلوله على سيراميك الضيوف وياسلام عالريحه :35: او حطي نقطتين منها على الجمر ياسلام الريحه تجنن
7-
استخدمي العطر بعد تخفيفه بالمويه في تعطير مفارش السرر او الشراشف او
شراشف الصلاه


هذي افكاري وبانتظار تجاربكم ياعسولات :)