عطوري للشعر
الخمريه من الشايع
وعطاني ايضا زيت معطر من حروف وممكن يكون هالزيت المعطر للشعر وللجسم .... اذا ما اعجبك للشعر استعمليه للجسم :) ريحته حلوه وهاديه
وطريقة تعطير السشوار ايضا توزع الريحه اكثر بالشعر ....
من اخر خلطاتي للشعر
سويت هذا الماسك لشعري يعطي لمعه حلوه للشعر ويغذيه ايضا
واللمعه مادري هل من قشور الموز او انه بدون القشور .... المره اليايه راح استعملها بدون قشور الموز واشوف اذا تعطيني نفس اللمعه او لا
حطيت اشوي عسل وبيضه ونص غطا زجاجة الخل وقشر الموز المطحون تقريبا ملعقتين .... وخلطتهم مع بعض .... وحطيتهم بشعري لمدة ساعه
وايضا بديت ارجع للسدر .... وصرت احط فيه فلفل اسود ومسمار (القرنفل)
وايضا حطيت جلي فراوله بالشامبو حقي يعطي لمعه حلوه وينعم الشعر وقالوا انه يوقف التساقط هالطريقه توني مسويتها يعني يبيلي كذا مره اجربها حتى اشوف النتيجه
وان شاء الله تعجبكم وتستفيدون من تجاربي
:)