لمكيف الصحراوي مناسب جدا في الا ماكن المفتوحه مثل الصالات والمطابخ
وتقدرين تخلينه يشتغل كل اليوم وخاصه انه اقتصادي في استهلاك الكهرب
انا مركبته في صالتي وماشاء الله على البراد بس حاطينه في السطح وممددين له ولانسمع صوته
مخذين من الي صناعته وطنيه مااذكر اسمه وصار له عندي اكثر من اربع سنوات وحالته جيده
وابدا ماعانين من الرطوبه لان المكان مفتوح
عساني قدرت اقنعك تشترينه :

أختي سلافة

المكيف الصحراوي زين لما البيت يكون كبير وأكثر من دور فعلا يبرد خصوصا اذا فتحت فتحة صغيرة من الشباك اللي يقابل المكيف الصحراوي فعلا يرطب البيت خصوصا اذا كان الجو جاف مثل جو الرياض مثلا والميزة الأخرى انه اقتصادي جدا في استهلاك الكهرباء.

ولكن من عيوبه انه يدخل غبرة رهيبة ويعدم العفش، يعني كل يومين لازم اتمسحي الكنب والسجاد وتلاقين كومة غبار عليها أما الارضيات ييغى لها كل يوم مرة او حتى مرتين