عطوني ابرة الرئة وانا في الشهر الثامن . اللي عندها فكرة تفيدني

عزيزاتي اللي عندها اي فكرة او مرت بنفس تجربتي تشرحلي الموضوع لان اول مرة يصدف ان يصير لي هالشي مع اني والدة مرتين من قبل
الموضوع هو اني جاني عوار من تحت ( صوب المهبل ) مثل شي يقص ويي متقطع مو متواصل بس يألم لدرجة اني اذا كنت واقفة او اتحرك لازم اقعد وحتى اذا كنت قاعدة ييني
هذا بدا معاي من اول الثامن وطنشت لكن الموضوع اشتد علي ورحت للطوارئ وشرحت لهم الحالة ولمن فحصوني ما لقوا انقباضات قوية وكل شي طبيعي لكن لمن فحصوني داخلي لقوا الرحم مفتوح 1 سم وعنق الرحم طري جدا قالي الطبيب لازم اتنوم في المستشفى واخذ ابرة تنشيط نمو الرئتين للجنين حتى لاسمح الله لو صارتلي ولادة تكون الرئتين مكتملات
وطلعت بعد الابرة الثانية ورديت البيت ولو ان الطبيب كان يبيني اظل لكني اعرف انهم دايما يستعيلون ويولدون الحريم وانا ابي الموضوع طبيعي
الحين سؤالي شنو هالابرة وشنو تنشط بالضبط بس الرئة والا نمو الجنين كامل ؟ طيب واذا كان الجنين كله اكتمل الحين هل عادي لو ما ياني عوار حتى لو دخلت الشهر التاسع هل ما يصير للجنين شي ولا يتأذى اذا ظل في بطني فيدوني وعسى الله يسهل عليكم جميعا يارب وادعولي خواتي