كوبونات الراقية تسجيل الدخول

زائرة •
بنات المتزوجات ايش تسوون لما تزورون اهلكم عطوني افكار
انا اروح اجلس كذا بس كاني جدار ومافي غير البزران يطاققوا وامي وأبوي يتهاوشوا ... هذي ملخص زيارتي لاهلي وبس اقول اغير جو لكن من نكد لنكد🐸💔
ماودي اصير قاطعة يعني بس ماقادرة اتحمل هالوضع.. احيانا نطلع كورنيش مكان كذا بس العلة فيني اني طول الوقت ابغى دورة مياه يعني مدري وش هالطلعة ماستانس في شيء.. غير كذا دورات المياه برااا مرا مهي نظيفة..
زائرة •
إسبريسو إسبريسو :
فعاليات اجل؟!اللي مثلك مقعادها ببيتها ابرك
فعاليات اجل؟!اللي مثلك مقعادها ببيتها ابرك
هملو الموضوع كله وركزوا على الفعاليات🙄😒
بيتي بعد مافي فعاليات
هو طبيعي الإنسان لوحده ماعنده فعاليات
بس لاجتمع مع ناس يصير مفروض فعالية 🐿️
زائرة •
اللي ماعندها تفاكير لاتشارك.
قل خيرا او انطم.
يعني الموضوع بكبره سعادة عشان ندخل ونرد زي وجهنا😒
llSseell
llSseell •
طيب دامك تبين فعاليات خليهم يجون عندك انتي سوي لهم فعاليات ،ولا لاتروحين عندهم ويازين بس بيت الاهل مع ازعاجهم عسل على القلب
coconut-tree
coconut-tree •
امم خذي معاك كتاب اقري فيه .. أو سوي خطة للأسبوع الجاي جيبي دفتر وخططي للاسبوع الجاي سواء وجبات أو مشتريات للبيت ..أنا اذا رحت لأهلي احيان مو كل أخواتي يكونو موجودين واضطر اجلس لحالي احيان لأن بيتي بعيد وزوجي يطول عى مايجيني ايش اسوي وأنا رايحة امر اخذ قهوتي واذا رحت سلمت على اهلي والموجودين واذا في احد سولفت معاه واذا مافي جلست اخطط للاسبوع الجاي احس ذهني يصفى وانا بعيدة عن البيت أجلس اكتب قوائم نواقص البيت ومشتريات السوبر ماركت .. الجمعة الي فاتت لما رحت جلست اشوف الملابس الشتوية لأن ناقصني وجلست على التطبيق على رواق وحطيت بالسلة الي احتاجة ولما رجعت بيتي مع دوشة العيال الله يصلحهم لاروقان ولاشي.. الحمدلله اني جهزت سلتي وسويت الطلب على طول