عشق الكهرمان :

بداية يعطيك العافيه على هالموضوع الحلو واللي الكل يحتاجه طريقتي اكتب اللي يخلص ان كان ضروري أومو ضروري علشان اشطب براحتي لين أصفي على الأهم وبس قارنت أسعار المركز والجمعيه والمطاعم واكتشفت ان اللي اشتريه من المراكز والبقالات والجمعيات ينتهي بعد أيام سواء كيك أطباق حلويات ألبان تسالي فاللي اشتريه ب70 ينحذف وكأني حذفت 70 بالقمامه تكرمين أما المطاعم وحلوياتهم وعصايرهم فينوكل طازج والدفع قد اللي ينوكل مثلا فطاير وعصاير أوكوكتيل وطبق حلويات مشكله يكفي ريوق وعشا وتسالي ليومين وأوفر لفواتير المياه والفيري والوقت والجهد ومبالغ الفواكه ومبالغ المكونات فلغيت بند الجمعيه والمركز واكتفيت بطلب المطعم فنقول شهريا من 30: 45: البيبسيات: العائلي أوفر والدينار يجيب 4 ألوان حسب ذوقك فانتا برتقالي ميرندا سفن بيبسي ديو الخ وجبات المطاعم: ماك / كنتاكي الخ اطلب بس سندوتشاتهم لأن الشبس في الغالب يبقى بمكانه أو شبس واحد لعيون التقديم وحركاته هههههه والبيبسي والآيس موجود ولله الحمد ملابس المناسبات والسفر والأعياد اجهزها قبلها بفتره لأنها تجي مفاجئه العبايات نقول عبايه/ عبايتين لكل كام شهر هذي لزياره لسفر وللعيادات ساده أوراس الادخار مع بداية كل سنه اضربي مصروفك *12 = 12ألف حددي كام تبين ادخارك منها خلال سنه مثلا 6000 اذن ضبطي لوازمك ومشترياتك على 6000 سواء شهر تشترين وشهر تدخرين أو كل 3 أشهر تشترين و3ادخار من لبس كريمات كروت شحن الخ من هالاشياء أومصروف 3أشهر مشترياتومصروف شنطه و9 ادخار بالنهايه بتكونين ادخرتي 6000 ولو أقل بشوي بعد مومشكله لشراء بيت ادمجي المصاريف كلها الايجار +مصروف الأكل +فواتير النت والكهربا والماء +مصروفك +مصروف العيال +مصروف الطوارئ +معاش الخدامه = ثلاث أرباع الراتب تقريبا تدفعينها قسط شهري لبيت دور وشقتين حتى لوقديم شوي تسكنين دور وتأجرين الشقق والملحق لوفيه ومنهم مصروفاتكم ومعاش الخدامه وطبعا بيكون فيه نسبة تقشف بأول سنتين تسكنونه بس فتره وتعدي بدال لايكون ثلاث أرباع الراتب مصاريف غير مسترده ورايحه للغير ميزة الفكرة تقدرون تبنون أدوار وشقق لوكل سنه شقه تقدرون تكسرون وتعدلون بالبنلء تقدرون تأجرونه بمقدم سنوي بالكامل عيادات صالونات الخ تقدرون تقعدون بشقه وتأجرون الأرضي المنظفات بجركن أجهز خلطه اسبوعيه من ديتول وكلور وصابون المناديل بديلهم المناشف وكل فتره كميه لأني قريت ان المناديل فيها عند تنظيف الأنف تبقى تناتيف تمنع التنفس وتجمع عليها السوائل فتغير ريحة النفس وبعد التناتيف تغوص بالسجاد فتشوه منظرها فبدلتهم بمناشف ومناديل مرطبه لانها نسيجيه وماتتفتت الشرابات كل فتره كميه الصالون والعنايه اشتري اللوازم ومع كل استحمام اخلص لي شي مره اظافر مره عنايه بالشعر مره خلطه صابونيه اكسجين الخ آخر الاسبوع تكونين انجزتي 7 مهام ومجانا والنفسيه توب والتغيير شامل ومتجدد السبب لأن اللي كنت اطلبهم لليبيت كانت أدواتهم مش ولابد واسعار مبالغ فيها على اشياء اقدر انجزها بنفسي ولله الحمد للعيال مصروف شهري حسب اعمارهم واحتيتاجاتهم: يشترون يدخرون يبون مطعم كرت المهم انهم يكتفون فيه ويدبرون عمرهم لأن أي مبالغ زىاده بتخرب ادخارك وخطتك وتأخر طموحك وهدفك شهر سنه اكثر اقل تجديد الديكور والمفروشات طريقت ياادخر واغيره كله بكله والأ اتركه بتنسيقه كماهو لأن مافيه فايده من صبغ جداربلون جديد والأثاث قديم أو العكـ س فلازم يكون كله جدبيد بجديد والأ ماله داعي اجدد شي واترك 1000 شي لانه يخرب المنظر ويهدر الادخار والنفسيه تبقى نص نص نص سعيد ومبتهج بالتغير ونص ضايق خلقه ومومرتاح هههههه فلو جددتي المطبخ لاترجعين له شي قديم من مواعين وأجهزه والغرفه واي مكان نفس الشي فياتغيير يريحك يااحافظي على ادخارك وزىدىه واستناسي كل مازاد السفر والفنادق فيه فنادق تاخذ أجرتها بالساعات يعني موشرط يوم كامل وبدل لاتدفعين 1200 تدفعين 200 قيمة ساعتين راحه واستحمام مثلا عندك في هالمنطقه /مناسبه/ تهنئه / سوق عياده/ مراجعه / الخ وموناويه تطولين وحابه تريحين شوي وفيه مواقع تحجز لك بالساعات مع ان الافضل تعاملك مع الفندق نقدا وبعد انتهاء المده حتى لايحجز مبلغ البطاقه وهو فل أو الحجز ماتاكد التجمع الاسري موشرط بالبيت بحديقه بمنتزه مجاني وكل وحده تجيب طبق أو حلو ومشروباتكم من شاي وقهوه فايدتها تغيير وقت محدود بدال لايطول السهر والكل ينام عندك وتصير عاده لهم اريح من الطبخ والنفخ بالساعات المنتزهات صار فيها بازارت اسبوعيه تشوفين جديدهم والعيال كل معاه لعبته كوره والأ دراجه هوائيه الاستراحات جمعيه من 100 *20 وحده ليوم كامل من كل شهر بالشهر تشمل الأكل والمشروبات يحبونها العيال وتغيير حلو جدول الأكل الموفر الريوق مخبوزات بيتيه اوسندوتش خضار بتوابل مقليه وبيتزات خضار أو شبس أو أي نوع سندوتش خضار مثلا طماط مقلي ببصل وزىت زىتون أم علي مسخن دجاج جباتي كثير مخبوزات لاتحتاج بيض ولاأجبان ولاقشطه ولاغسيل صحون حتى الوصف مطابق لريوق المعلمات هههههه العشا: كل نوع من المكرونات لازانيا / باشاميل / الخ الغدا: يامحاشي يارز رز مع سلطه ومرق واي لحوم وبدالها سلطات اللحوم سلطة تونا / سلطة فراخ الخ نظافة المواعين افردي طبقه نايلون تغليف الأكل على الصحن أو الصينيه بهالطريقه بيبقى الصحن نظيف فترتاحين من غسيل المواعين وهذا يوفر فيري وفواتير مياه وكل رول يكفي له شهر والاحجام الكبيره تكفي اكثر وهالطريقه حلوه بالحديقه والبر والبيت والشاليه وكل مكان وبالسفر استعيني بالاطباق والأكواب والملاعق الورقيه شامبو الجسم و الشعر فيه برميل شامبو شعر وجسم وايدين بديل المنتجات النسائيه من صوابين وكريمات وبودرات ومعطرات وزىوت هي منتجات المواليد والاطفال روووعه وصحيه وتنفع للكبار والصغار تعطير الملابس والجسم في الشطف الاخير للملابس ضيفي قطرة من عطر اطفال اوعطرك او عطر زوجك النتيجه ريحه روعه وثابته وصحيه وبخريها قبل لاتنشف 100% لان تعطير البشره والجسم يسمر ويسبب حساسيه بسبب تخالطه مع العرق بطاقاتك: الطريقه زوجك يحول باستقطاع لبطاقتين تلقائي فيكون عندك بطاقه لمصروفات البيت والعيال والطواري والضيافه وبطاقه لمصروفك وادخارك من عيديات ونقوط نفاس واي مبلغ مشابه فايدتها ان الفلوس بتكون بعيده عنك فيجي الشهر الجاي ومصروفك بحسابك وفيه اماكن تسوي تخفيض فوق 20% و30% لوشريتي منهم بالبطاقه للبيت للعيال فحاولي تدشين مواقع البنوك وتشوفين تخفيظات كل بطاقه لانهم انواع التجول بالمول بقيمة كوفي للترويح روحي للمول من غير فلوس اللهم الا قيمة قهوه وعصير للعيال منها تابعين الجديد ومنها تلاحظين فرق السعر من اسبوع لاسبوع ومنها ماحرمتيهم التماشي بالاماكن واللي يبي شي مصروفه الشهري عنده ويتحمل بنفسه الديتول ومعطرات البيت تخفف ببخاخ فاضي والباقي ماء بتكفي شهور للطاولات الرخاميه للغرف والديتول مكتوب بنشرته انه ل100 استعمال من ضمنها الاستحمام باضافة غطايه منه لماء الاستحمام ومن ضمنها تعطير الملابس والشراشف باخر شطفه بغطايه منه مامعناه كل منتج تشترينه ابحثي في موقعه ونشرته عن استعمالاته الخفيه والمجهوله وهالطريقه بتوفرمبالغ كثيره تهدر على منتجات ثانيه لذات الاستعمالات فهو معقم للجروح والارضيلت وملطف جو ومعطر اقمشه وللاستحمام وووو وهذا توفير عبقري الصراحه التكييف للمحافظه عليه وتخفيض فاتورته تغلق أبواب ودرايش المطابخ والحمامات والستاير والغرف لانها تستورد هوا ساخن في كل دقيقه وتضطر المكيف تبرد من جديد وهذا يستهلك تيار وبسببه راح تبدا تقطر ماء ويستلزمها صيانه وقدرها اوتجديد وقدره والستاير يفضل ماتكون قماش لانه صعب يبرد ويستورد حرارة الشمس ويحتفظ فيها والافضل ستاير بلاك اوت لانها عازله للحراره لتوفير مبلغ نقل الأدراج الثقيله فضيهم وانقلي اغراضهم للمكان المقصود بعد ماترتبينهم بالشكل اللي يعجبك وشيلي الادراج واحد واحد للمكان ذاته وبعدها بيصير الهيكل خفيف للنقل للمكان المقصود والطريقه تنفع مع دولاب العيال لامكانية نقل خشبياته الداخليه وحده وحده للمكان المقصود وورق القصدير يسهل تحريك الخشبيات والاشيا الثقيله لو حطيتيه تحت رجول الدولاب حقيبة التسوق القمامشيه ام عجلات مريحه وصحيه بدل علاج الظهر والقدمين لسنوات ومبالغ عيادات تنفع للحديقه للسوق للسلالم تشيل جواكيت العيال اذا حروا بالسوق بدال لاتضيع اغراضك ومشترياتك تحطين فيها شنطتك ومشترياتك الخاصه تختصر لك مكانها باغراضها بالسياره فكل هذا توفير مال وجهد ووقت لو مصروفاتك الغير ضروريه عاليه شهريا كريمات كماليات مطاعم طلبيات نت فقاسطي بدالها أرض بأي منطقه وشهر بعد شهر حوليها لحوش أغنام / مزرعة طيور بشاليه تقضون فيها اجازة اخر الاسبوع غرف عمال جاهزه حتى لو تشترينها مستعمله واجريهم صالة تسوق زجاجيه واجريها بالطاوله وبالمتر صالة افراح بسيطه حتى لو تأجرين اليوم ب700 ريال منها لك ثواب لانك ساعدتيهم ومنها ربح يومي مشغل نسائي وصالون اطفال حديقه للعوايل والشخص بريال الخ شراكة الأراضي مع الأهل والاصدقاء فتشترون أرض وحده وتقسمونها على 2 أو4 حسب المشتركين وكل واحد يبني قسمه دورين يسكن دور ويأجر دور فتبنون قد احتياجكم صاله وديوان وغرف وتسكنون مجانا فتكونون شريتوا بربع السعر لين تجمعون مبلغ اكبر وتشترون ارض وتبنونها براحتكم وهذا اسرع من سنوات الادخار الفردي لان الشخص لازم له من 15 ل20 سنه يجمع مبلغ ارض وبناءها اما هالطريقه فـ سنه سنتين بالكثير وتحولك لمالك ومستثمر ومستفيد واللي يبي يبيع قسمه على الباقين براحته مع امكانية تحويل الدور الاول لمحلات لكل واحد اوصالة ماركت مشتركه فهي خير بكل حالاتها وبالتساوي طالما متفاهمين بالورق والبصمه فواحد يساعد الثاني بدال عذاب الاجارات والاقصادات الدواجن ياتشترين الجزء اللي يحبونه جناحات / سدور وبس أو تقسمينهم دبابيس فخاد سدور جناحات قوانص قلوب كبده وكل يوم تبتكري لهم أكله منهم والنت مليان والمطبخ التركي والشرقي والغربي كله روعه وابتكارات اللحوم الضاني والجملي حاولي تقطعينها بالتساوي واصغر من المعتاد اسهل لمضغها لان الاحجام الكبيره تبي تقطيع على السفره وتفاديا لان احد يغص لصعوبة مضغها ويفضل انك تشيلين العظام نهائي لان الطبخ يفتتها فخوف تسبب الغصه لاسمح الله وشحمها قطعيه مكعبات يعطي نكهه للأكل والمرق والشوربات حتى بعدم وجود اللحم الاستفاده من بواقي المشروبات بيبسي فيمتو تانج الخ تحفظينها بصينية مكعبات الثلج ووقت ماتقدمين لهم الفيمتو ضيفيها للأكواب روعه أو احفظيها بأكياس حفظ الأكل بالفريزر كمثلجات شعبيه بدل الآيس الكريم اللي من البقاله وهذا توفير حلو وممتع ونفس الشي الماء+السكر +الوان الأكل =مثلجات رووعه الوان واشكال وهالطريقه تنفع مشروبات ومثلجات لكم ولضيوفكم مع حلقة ليمونه بقاعة الكوب حليب السعوديه لو حفظتيه بالفريزر بسكر او كما هو فتكونين حصلتي على مثلجات مفيده وتنفع للي يكره الحليب وتقدرين اتضيفين فانيليا والوان وقطع فواكه بشكلها لحلويات القهوه البيتي استفيدي من حلويات العيال والبقاله وبتطلع معاك اصناف كثيره مثلا كرات كورن فلقس بالباونتي كيكه مدهونه بجالقسي او محشيه بحبات انم امز نيدو وحليب الرضع شوفي كمية الفيتامينات اللي فيهم واستفيدي من هالنقطه بحلوياتك للعيال ولك وللحبايب فهي تغني عن فيتامينات الصيدليه وطعمها مميز وحليب الرضع اسلسا تستعمله المصانع لبسكويتات الرضع بدال لااتراكم االاعراض ونقص الفيتامينات والكسل وتساقط الشعر وشحوب البشره فاشتري علبة فيتامينات متكامله للجسم والبشره والشعر والاظافر كل كام شهر لك ولابوكم وللعيال كل واحد واللي يناسبه هذا بيبعدكم عن العيادات ومبالغها وهذا توفير عالي ويدعم الصحه والبشره والشعر والمود فمافيه احلى من الصحه والسعاده وشعر صحي وبشره صحيه سجلي تواريخ مناسبات الأهل والحبايب والجيران على باب الدولاب من داخل مع حصاله لهداياهم ولوازمك اللي بتشترينها لهالمناسبات من حلويات ولبس ونقوط فتمرك هالمناسبات خفيفه من غير لااتسلفين أو تسحبين من بطاقتك سواء خطوبه ملكه نفاس شهاده تهنئه قدوم من سفر الخ نفس الشي حصاله للمواسم رمضان الأعياد المدارس العطله تخرج العيال وحفلاتهم من ابتدائي وغيره فكل موسم حددي له مبلغ مثلا رمضان 120 / قرطاسيه ومدارس 60 / عطله 150 الخ مع الخرده اليوميه لغسيل المواعين حددي عدد قليل لان كثرتها كثرة منظفات ووقت وفواتير ماء وتعب لتزىىن حلوياتك ومعجناتك اطحني كمية سكر ببرطمان واجرشي فستق ومكسرات ببرطمانات بيكفون لسنه العروضات مثلا البيت يبي زىت أومنظفات وانتي تبين معجون أسنان اذن دوري بهالعروضات العرض اللي معاه معجون مجانا فشي تشترينه وشي تحصلين عليه مجانا بذلك تكونين دفعتي نص المبلغ اللي محدد لشراءهم وقيسي على هالشي من ماركت لماركت واللي مو اليوم بكره مثلا شامبو والبلسم مجانا رز والزىت مجانا كرتون شوربه وكرتون مجانا حتى لو اتصدقين فيه فانتي الربحانه عروضات بودي شوب طقمين واحد مجانا تدلعين نفسك فيه وواحد تهدينه للي تبين سيتي سنتر الملابس كل قطعه ومعاها قطعه مجانا الكوايه العموديه البخاريه تنفع فواحه لوضفتي لها قطرة عطر وتنظف البيت عن الغبار بمجرد تشغيلها وتنزل الغبار وقت الغبار وهذا يحمي التنفس وتنفس الرضع ويعقم جو الغرفه فهي بمثابة منقي و20*1 لان لها فوايد كثيره للملابس والكفرات والمخدات تعقمها وتهويها بخارها وملحقاتها تنظف الدرايش والستاير والارضيات والكنب والبشره لان فيه انواع معاها ملحقات بيت وقماشيات وبشره فوجودها بيوفر مبالغ هالاجهزه واماكن تخزىنها استعمال بخاخ لزىت الاكل اوفر استعمال الفرن لكذا صنف بنفس الوقت اوفر غلي كميه تناسب في ابريق الشاي اوفر للغاز من ان الابريق مليان غلي ابريق ماء للطبخ اوفر للغاز من الطبخ بماء بارد قلي بصل بالطول مع سكر بديل حلو للكمشش حلقات بصل بطريقتك +تفرمين لحم وتشكلينه همبرقر بديل للوجبات السريعه تقليدك لمشويات وتقديم المطاعم وبهاراتهم بحبب العيال بأكلك ونفسه نفسه احتفظي ب صواني المطاعم لهالغرض أو لحديقه أو زىاره او تباركين لوحده بحلويات من ايدك واذا ضاعت وانكسرت ماعليها حسوفه موبايلاتكم بكفر يحفظها عن الخدوش والطيحات وهذا يوفر قيمة تصليحها وشراء الجديد ونفس طرق المحلات اللي تشترين منها حقائب اليد والسفر والشوزات واللبس والاجهزه الخ تطبقينها لحفظهم ويفضل تحتفظين بعلبهم وحشواتهم لان المحافظه على ماتملك خير من البحث عنها من جديد وهذا توفير حلو الزهورات مطيبه لعرق الجسم وتساعد المعده على الهضم وفوايدها تبعد عن الادويه والعيادات وهذا توفير صحي قارني سعر مكونات طبقك والغاز وباقي لوازمه وجهده سواء حلو اومالح بسعر المطاعم واختاري الاوفر والمنوع من بينهم لزىاره أو تهنئه مشاويرالتسوق اختصريها بمكان يجتمع فيه كل ماتحتاجين مراجعه / قرطاسيه أكل / لبس / اجهزه /عياده /صيدليه / العاب/ هالشي اوفر للبنزين وصوري اغراضك من النت هي وبدائلها قبل تشترينها بصوره فوتوشبيه علشان لاتنسين منها شي واذا عجبك بالسوق شي صوريه علشان تورينه المحلات اللي توفره بسعر ارخص ملابسك وملابس العيال القديمه تقدرين تخزنىنها وتستفيدين منها للسفر فتلبسينها وتتخلصين منها هناك بتبرع بقمامه بذلك بتفضى الجنطه لمشترياتك وملابسك الجديده وهداياك هالطريقه موفره جدا بدال لاتشترين هنيه وهناك وتنفع للي مقاساتهم موجوده بكل مكان أما السمول فالأفضل يجهزون مسبقا لان ملابسهم وعباياتهم والجواهز معظمها لازمها تعديل مسبق عند الخياط وهالشي بيسعفهم لو رايحيين مناسبه هدايا ماليه: اونقوط اوعانيه حلوه ومردوده فصارت كإنها ادخار غير مؤرخ صندوق العايله كل واحد من اهلكم يدفع بالتساوي ويكون محدد لسداد ديونهم واقساطهم وامتلاك بيت / ارض/ محل / مكتب الخ وكل شهر يستلمه واحد وقبله يجدولون اساميهم وديونهم ويبدون من الاقل ديونه اوالاقل راتبه فيساعدون بعض وينجزون لبعض سواء موظفين اوبعضهم عاطل ومتقاعد سواء ذكور / اناث وهذا يبعدهم عن قروض الربا اللي تمحق البركه وتغير بالامزجه والنفوس وتطبيق لسنه ربانيه عظيمه وَتَعَاوَنُوا عَلَى الْبِرِّ وَالتَّقْوَى تابعوا بين الحج والعمرة فإنهما ينفيان الفقر والذنوب كما ينفي الكير خبث الحديد والذهب والفضة وفعلا هذا اللي لاحظته بالناس كثيرة الاعتمار رزق وفيرر يزىد ولاينقص وبركات في كل شي وانصلاح امورهم فيارب يحسب لنا ثواب المعتمرين كل يوم وبس تعبت والسموحه منك التنسيق تعبني [/font]

بداية يعطيك العافيه على هالموضوع الحلو واللي الكل يحتاجه طريقتي اكتب اللي يخلص ان كان ضروري...