عطوني حلول تعبت مع زوجي

السلام عليكم ورحمه الله
مشكله عضوه معانا تتمني انكم تفيدوها بحل لمشكلتها والف شكر لكل وحده بترد لو بدعوة لها بظهر الغيب
يابنات تكفون اسعفوني انا بوضع جدا جدا صعب زوجي انطرد من شغله من 9 شهور ووضعنا صار جدا صعب وفوق الصعب وهو مكابر قدم بكذا شركه بس ماحد يبيه لانه عنده خبره كبيره وهو جامعي واقل راتب مفروض ياخذه 8 او 9 الاف فيرفضوة الشركات ويعينون المتخرجين الجدد عشان رواتبهم اقل بكثير وانا قلت له موجوده وظايف رجل امن او محاسب بسوبر ماركت وهو رافض رفض قطعي يقول ماابي اشتغل هالوظايف مايناسبون شهاتي وانا وعيالي ميتين جوع لدرجه اشتغلت جمبنا في مشغل نسائي الفتره الصباحيه ب1500 ريال محاسبه وتبهذلت من صاحبه المشغل انسانه ماتخاف ربها ودايم تقول في نقص وتخصم من راتبي حتي لو صار النقص بالليل تخصم مني انا وانا مالي ذنب اشتغل بس فتره صباحيه وتركت الشغل ولا عارفه كيف اتصرف حتي سويت اكل وحاولت ابيع بس مافي زباين ومتبهذله واهلي مايدرون انه فصل اهله مافيهم أي خير له واهلي ابوي متوفي وامي كبيره لو عرفت وضعنا والله بيرتفع ضغطها ويصير فيها شي ولا اقدر اطلب من احد مساعده ماليه عطوني حل كيف اتصرف معاه المشكله أبو زوجي عصبي واذا اتصل اتشكي له يقول لي تصرفي انتي وزوجك لا تدخليني هذا كلامه بكل مره ايش اسوي يعني اقعد علي باب مسجد واشحت والله تبهذلت وماضل عندي شي ابيعه حتي ذهبي ولابتوبي وايباد عيالي بعتهم كيف اقنعه يشتغل أي شي تعبت وربي والايجار قرب وشكلنا بننطرد بالشارع ادعو لي ربي يسهل امورنا تكفون ياخواتي الي ماعندها حل لو دعوة انا بامس الحاجه لهااا ربي يجزاكم الجنه