ميم راء @mym_raaa
عضوة نشيطة
عطوني حل😩
سلام بنات عندي ولد عمره سنتين ونص طفشني وتعبني عنيد مررره وعصبي يضربني ويرميني بأي شيء بيده ولايحب التلفزيون والالعاب شريت له كور ومكعبات ومرجيحه وكذا بس مايلعب بها طول اليوم لاصق فيني وطفشان ويزن ويصيح على راسي واذا دخلت مطبخ ولا غرفتي دخل معي وحاس الادراج وحاس المكان حتى غرفتي يلعب بالكريمات والعطور والميكب شريت اقفال للادراج بس عرف يفتحها واذا طلعته برى يجلس يبكي اعطيه جوالي احيان بس صار ينشب لي عليه ولا ابي اشتري له ايباد احس توه ولا اعرف العب معه مدري وش العب خصوصا انه ي دوب افهم منه كم كلمه الباقي ماافهمه هو يحب الاطفال مره بس المشكله ماعندنا اطفال ونادر اقدر اطلع من البيت وربي احيان ابكي من كثر مايقهرني ويستفزني واحيان اضربه واندم وابكي لعب بنفسيتي وش تسوون فعاليات لعيالكم او حاجات تلهييهم منكم عطوني العاب العبها معه او اشتريها له
5
784
يلزم عليك تسجيل الدخول أولًا لكتابة تعليق.
زائرة
•
انا ماعندي اطفال بس اشوف أكثر الاطفال يحبون العاب المكعبات والسيارات بس مايرسون ع بر لازم ايباد صراحة 😬
ياروحي انا 🥺
طكرني ببنتي
ترا الاطفال كذا احتويه واحضنيه ولاتضربينه
جربي العبي معاه لعبه العبها مع بنتي اجري واندس ورا الباب وتجي تدور لي واذا لقيتني اهرب مكان ثاني تنبسط منها مره
وجيبي له دفتر والوان يلعب على كيفه بس ترا بيعدم الاثاث
وكمان اذا فيه حديقه قريبه روحي لها على الاقل مره في الاسبوع يلعب ويطلع طاقته وينبسط
وكمان حطي له مواعين عادي مثلا برادي وعبيه مويه وخليه يكبكب المويه في كاسات
والمرجيحه جربي ركبيه والعب معاه وهو فيها ونشدي له اناشيد يحبها
واغراضك ارفعيها من التسريحه خلاص انا علقت مكياجاتي ورا الباب حطيتها في كيس بقاله عشان بنتي عدمتها 😂😂
وشغلي له اناشيد في التلفزيون على اليوتوب تكون تعليميه بينبسط مره
واذا عنده خيمه فيها كور ادخلي معاه والعبي مره بعد مره بتتعودين وبتتغير نفسيته للافضل
وادعي له مافي زي دعاء الام ان الله يهديه ويصلحه
طكرني ببنتي
ترا الاطفال كذا احتويه واحضنيه ولاتضربينه
جربي العبي معاه لعبه العبها مع بنتي اجري واندس ورا الباب وتجي تدور لي واذا لقيتني اهرب مكان ثاني تنبسط منها مره
وجيبي له دفتر والوان يلعب على كيفه بس ترا بيعدم الاثاث
وكمان اذا فيه حديقه قريبه روحي لها على الاقل مره في الاسبوع يلعب ويطلع طاقته وينبسط
وكمان حطي له مواعين عادي مثلا برادي وعبيه مويه وخليه يكبكب المويه في كاسات
والمرجيحه جربي ركبيه والعب معاه وهو فيها ونشدي له اناشيد يحبها
واغراضك ارفعيها من التسريحه خلاص انا علقت مكياجاتي ورا الباب حطيتها في كيس بقاله عشان بنتي عدمتها 😂😂
وشغلي له اناشيد في التلفزيون على اليوتوب تكون تعليميه بينبسط مره
واذا عنده خيمه فيها كور ادخلي معاه والعبي مره بعد مره بتتعودين وبتتغير نفسيته للافضل
وادعي له مافي زي دعاء الام ان الله يهديه ويصلحه
خلي ابوه يطلعه في وقت فراغه
شغلي آيات السكينة لماهر المعيقلي في البيت بصوت مسموع
ادعي له واقرئي اوراد الصباح والمساء وانفثي عليه
شغلي آيات السكينة لماهر المعيقلي في البيت بصوت مسموع
ادعي له واقرئي اوراد الصباح والمساء وانفثي عليه
الله يحفظه ويصلحه ويهديه ويعينكم على حسن تربيته
عادي في هذا السن يكون عنيد وشقي لا يضيق صدرك توه صغير مايفهم شي لا تضربينه ولا تعاقبينه مسكين كل شي جيبيه بالهداوه إن شاءالله بعد سنة بيفهم ويكون مطيع
كذا عيالي يجي لهم وقت يكونون عنيدين وشقيين وبعدين اذا كبروا شوي يطلعون هادين الحمدلله
عادي في هذا السن يكون عنيد وشقي لا يضيق صدرك توه صغير مايفهم شي لا تضربينه ولا تعاقبينه مسكين كل شي جيبيه بالهداوه إن شاءالله بعد سنة بيفهم ويكون مطيع
كذا عيالي يجي لهم وقت يكونون عنيدين وشقيين وبعدين اذا كبروا شوي يطلعون هادين الحمدلله
الصفحة الأخيرة
والشقافه ف السن ذا طبيعي سن استكشاف
اما ب النسبه انه يضربك اذا ضربك طالعي بيه بدون اي تعابير لا حزن ولا ابتسامه ولا تخويف علقي شوي بعدين روحي عنه كذا بيتعدل جربتها مع بنتي وضبطت اخذتها من استشاري