عطوني حل!!!!!

بسم الله الرحمن الرحيم
بنات انا عندي مشكله وابغى رايكم
انا متهاوشه مع زوجي وقاعده في بيت اهلي من عشره ايام تقريبا ، الموضوع الي تهاوشنا عليه بسيط يخص ولدنا ، في بدايه النقاش هو عصب مره والموضوع مايستاهل تركته انا ورحت لغرفتي وهو لحقني ، (انا ساكنه مع اهله واذا بروح لغرفتي لازم امر على الصاله واهله كانوا قاعدين فيها) طلعت انا لغرفتي وهو قعد يصرخ يقول شفتي وش مسويه ميب صاحيه....... وقعد يتكلم ويصرخ علي قدام اهله ، انا طلعت لغرفتي ويطلع وراي ويقعد يسب ، والله يابنات كلام انا عمري ماكنت متوقعه يقوله لي وبعدين طلع وقعدت انا ابكي ودقيت على امي اقولها تعالي خذيني ماابي اقعد عندهم
ولميت اغراضي شافني هو قال وين بتروحين قلت لاهلي قاامه ل تروحين بس الولد مايروح ، بعدين جت امه تحاول تهديني وتقولي ماراح يخليك تفروحين بالولد وبنفس الوقت دقت امي عليها وتعرفون الثنتين معصبات وكل وحده صارت تطلع الاول والتالي هي امه تكلمت علي وامي تكلمت عليهم وامي قالتلهم كلمه اعتبروها اهانه لهم كلهم وبعد ماسكروا جات امه وقالتلي شفتي كيف كبرتي الموضوع المهم انا اصريت اروح بيت اهلي وبالاخير تركني زوجي اروح مع ولدي والحين مرت عشره ايام لا سال عني ولا عن ولده ولا انا كلمت عليه
وانا مادري كيف اتصرف الحين ، هم معتبرين انا غلطانه يقولولي المفروض شفتيه عصب خلاص اتركيه لا تردين عليه وانا كان قصدي اناقشه ويقولون انا كبرت الموضوع ودقيت على اهلي وامي دقت علهم واهانتهم وبالاخير انا طلعت من البيت
هم مو معتبرين ولدهم غلطان يقولون عادي الرجال يعصب على زوجته (اوكي بس بيني وبينه مو قدام اهله وعلى شي يستاهل مو على موضوع تافه ) بعدين مو من حقه يسبني هالسب كله
يابنات لو كان الموضوع بيني وبينه كان عادي دقيت عليه وتفاهمت معه بس الحين كبر الموضوع
وهو مايبي يخلي لي كلمه ولا راي في الولد ، هو ابوه يعني خلاص انا مالي كلمه يعني مثلا ابي الولد ينام عند اهلي لا ، يبغاني انا مجرد حاضنه ااكل اشرب بس
المهم انا ماادري وش اسوي اتركه لحد هو مايتصل واخليه يتفاهم مع ابوي ( هذا راي اهلي ) طيب اذا مااتصل ؟؟؟؟
ياليت كل وحده تقولي رايها او ختى تدعلي تنتهي هالمشكله على خير