عطوني حل تعبببت

مرحبا اخواتي

ترددت كثير في طرح مشكلتي لاني حاسه ان ماحد مستوعبها
او تظنون انها سخيفه .... بس والله اني متعذبه من هالمشكله ... ومشكلتي طبعي او فيني عاده شينه مخليتني اتحاشى اكلم احد وديما عازله نفسي مع اني احب اسولف وكذا بس والله اتعذب ....
بداية المشكله ..... لي اخت تخاف من العين كثير ودايما تلقينها تغطي ايدينها ورجولها تخاف احد يحسدها مع انها مو ذاك الزود
وكانت تقولي بنت الفلان دايما عيونها على ايديني اخاف تحسدني .... وانا من كثر ماتقولي كذا صارت عيوني دايما تطيح على ايدينها من غير قصد وكانت تغطيها وتتافف ... وانا اموووت من القهر... مع اني الحمد الله بيضاء وايديني احلى منها...
وصارت فيني هالعاده مع كل الناس اللي اكلمهم دايما تطيح عيوني على اليدين او الصدر 0000 والله والله من غير قصد حتى لو تسألوني كيف ايدينها مااتذكر شكلها
ودايما ذكر الله مايطيح من لساني الحمد لله لاني مااحب احسد احد..

قسم بالله اني تعذبت خلاص حاسه ان الناس تتضايق مني .. والله اني احاول اركز عيوني على الوجه بس مااقدر لازم عيوني تطيح على شي ثاني .. اخر شي انزل عيوني تحت ... يعني تحسين اني مو متوازنه وانا اسولف مع الناس
انا ماكنت كذا مدري وش اللي جاني ... مثل الوسواس القهري .. يعني اعاند نفسي ولا مدري وشلون
حتى امي دايما وانا اكلمها تطيح عيوني على شعرها اذا فيه شيب وتنحرج وتغطيه وانا اموووت قهر لاني مااقصد ...
خلاص انا تعذبت ابي حل والله كرهت نفسي خلاص ... لاني انا مااحب اذا كلمت وحده تقعد تشوف ايديني ... ادري ان هالطبع شين بس غصب علي والله مااقدر

عطوني رايكم تكفون الله لايحرمني منكم