خليك معه هو لا مع اهله ولا مع اهلك يستاجر لك بيت وين مايروح واخلصي وعزي نفسك وماعليك منهم زمن الجاريات ولى

شوفي يا قلبي حاولي بزوجك مره أخيررررره

وتفاهمي معه بهدوء قولي أنا نفسي أروح شهرين لأهلي وشهرين عند أهلك أنا لي نفس حالي حالهم

أطلع وأتونس وأخذ رااااحتي مو كأني خدامه بالبيت أنا ملزومه برعايتك ورعاية ولدك وممكن أساعد في بيت أهلك

بس مايوصل الموضوع إني أتحمل البيت كله فوق راسي .. إقنعيه إذا ما إقتنع كلمي أمك وإشرحي لها وضعك

وأكيد خالتك تحسب مليون حساب لأمك ولا كان ماقالت لك لا تخبريها .. ولا يعرف زوجك إنك ناويه تكلمين أمك

لإنه ممكن يهددك أو يمنعك وبكذا ماتقدرين تتواصلين معها لكن إن كلمتيها بدون ماتخبريه لو صار شئ قولي

ما منعتني أكلم أمي وأنا إنسانه لي طاقه تحمل معينه وهالوضع مسخره ... إذا سكتتي بيزيد وضعك سوء

وبيعرفون نقاط ضعفك وبيتمادون لكن لو وصلتي لأمك معاناتك هي بتتفاهم معهم وتريحك ..

أنتي لسى في بداية حياتك مامعك غير طفل لازم تعالجين وضعك حتى ماتكون عااااااده عندهم

الله يعينك ويفرج كربتك

اول شي اشكركل من ردت علي وحسيت انكم ازرتوني بمشكلتي ورفعتو عني شوي
ثاني شي كل الكلام الي قلتوه قد قلته من قبل لزوجي وحاولت فيه بس قالي انا محروم منك اسبوعين وماعندي الا هاجازه اتواصل معاك ومع ابني وازوركم انا وافقت مجبوره

والي تقول قولي لامك قلت له امي مره ارمله وهي بينها وبين خالتي خلاف من يوم زواجي
ماتقدر تتكلم لما علمتها قامت تدعي عليهم وانا قلت لها حرام ولدي يحب ابوه لاتدعي عليه
قالت لي اصبري بس انا دقيت عليها ابكي قالت سوي اضراب لاتشتغلين سوي نفسك مريضه علشان يجيبونك عندي

بس هذولي الجماعه ماينفع معاهم قد مره سويت ترك المطبخ ماغسلته والله ثم والله انها خلته على الوصخ والقرف لين اليوم الثاني
ولا بعد تشبهني بالخدام وتضحك حسبي عليها ونعم الوكيل

واللي تقول قولي لزوجك يرفع الظلم عنك
قلت له انا اكرف وتعبت ومن ذا الكلام قال الله يجزاك الجنه انتي ماتقصرين جزاك الله خير رديت عليه جزاي الله خير على ايش العمره واللا الحج ترا يديي تقطعت ونهد حيلي جزاي الجنه على كرف الواجب امك تقوم فيه انا ماني ملزمه فيكم هريتوني

وانقهرت وهو ساكت عادي لانه كله في مصلحة امه وش بيقول

وياكم جبت لها ارقام خدامات يخدمون بالبيت تدق عليهم قدامي بس
وثاني يوم تتحج

والله تقهر ذي بس دعواتكم لي انا اني ارجع لبيتي بتبوك
الله يصبرني على مابتلاني فيه حسبي ربي توكلت عليه

والي تقول اروح مع زوجي خميس مشيط قلت له قال الشهر ذا عندي الاتزامات امكن شهر سته اخذك الحمدلله جاني الفرج

الله يرزق كل محرومه من الذريه الصالحه
ويزوج بنات السعوديه
وجعلنا واياكم من اهل الجنه

تسلمون

اذا هذي تصرفاتها
احسن شي تجلسين وتنتظرين زوجك ماتروحين معها
والشغل فوق طاقتك منتي ملزومه حتى لو عصبت
طنشيها