عطوني حل قبل بكره

كيفكم يابنات
ابيكم تنقذوني عطوني حل توها اخت زوجي عازمتنا بكره علي العشا وانا ماابي اروح وزوجي الله يهديه كاني امه مايروح مكان الا فيني اذا انا مابروح هو مابيروح وبيقولون زوجته ماتبينا وسالفه طويله عريضه
انا ماعندي اعتراض علي اخته هي صراحه حبوبه وتوجبنا بس عندها أطفال اعوذبالله من الشيطان الرجيم لدرجه مره بالغلط كسرو اصبع ولدي الصغير عمره 3 سنين ومن يومها ماابي اطب عندها ولا ابي ولدي يشوف عيالها صار عنده خوف منهم وقلت لزوجي انت روح مالك شغل فينا تعذر باي شي مو راضي يقول ياتجين معاي او بكنسل الروحه عطوني حل وش اسوي ماابي اروح لو تنطبق السما علي الأرض وانا عارفه بيفسرون تصرفي اني ابي ابعد اخوهم عنهم او ماابيهم وش اسوي تكفوووون بسرعه شورو علي وكيف اقدر اقنع زوجي يروح بدوني انا جد عافت نفسي جمعاتهم بسبب ازعاج عيالها وشطانتهم مو طبيعيه ابد لدرجه مره واحد فيهم رمي علي نعال الحمام بوجهي وانا سكتت ماابي مشاكل ولا ابي اصارخ عليهم او اضربهم كيف اتصرف ياناس عيال مو متربيين نهائيا كانهم تربيه شوارع حتي الفاظ وسخه يقولون وولدي بسن يحفظ كل شي ساعدوني