بسم الله الرحمن الرحيم ,,,
يانساء حواء صارت مشكلة بسيطه وكبرت وكل مالها تكبر ,, وأنا أشوف سببها صغر العقل
ومابي أدخل أحد غريب بالموضوع ولا حتى زوجي مايدري لأنه يدرس بالخارج وعنده اختبارات ومابي اشغله
مع أنه المشكلة متعلقه في أهله ,,, وأنا بالسعودية اجازه وكلها اسبوع وبسافر لزوجي
المشكلة بدت لما نزلت السعودية من شهر ونص كان وقتها عمر ولدي 8 شهور ونص ,,, وزوجي وصاني وأحرص علي ماأقطع أهله ودايم أزورهم
وهم ماشاء الله حبوبين وانبسط معهم والله ويحبون ولد أخوهم اللي هو ولدي ويوميا يتصلون علي يبون يشوفونه
بس مو هنا المشكلة,,,, المشكلة في زوجة أخو زوجي هي ساكنة بشقة في بيت أهل زوجي
عندها ولدين ,,, الكبير عمره 7 سنين والثاني عمره سنتين
من أول يوم رحت لبيت أهل زوجي من رجعت من السفر ولدها اللي عمره 7 سنين ماخلا ولدي في حاله
يضربه بدون أسباب وولدي مسكين بريء وصغير وأمه تشوفه والكل يشوفه وأمه بس تقول له تأدب ياولد
ولاتقوم له مهما يسوي بس ماعندها غير تأدب ياولد ,,, يمكن للحين تشوفون الموضوع عادي
بس الحين جايكم بالتوضيح أكثر ,,, ولدها مايكتفي مره ولا مرتين طول الوقت يحرق في أعصابي
وصرت أمسك ولدي بحضني علشان لايطقه ويجي عندي ويقول لي بطقه حتى لو في حضنك اللسانه مره طويل
ويحاول يطقه وامسك ايده وأقول له خلاص تأدب وأمه تشوفه ماتقوم تمسكه بس تقول له تأدب ومن هالكلام
ويطقني ويرفس فيني علشان بس يوصل لولدي ويطقه وأنا كاتمه غيضي وودي اقوم وأدبه
وكل مره نفس الشيء والموضوع كل ماله يتطور حتى يدعي على ولدي دعاوي حتى يدي ماتقدر تكتبها من شينها
وأمه مو محركه ولا ساكن ,,,, وطول ماأنا جالسة شغله بس يجنني أنا وولدي
تخيلوا مره رفس ولدي بالقوة وهو كان جالس وطيحه على الأرض وبنفس اليوم ولدي في حضني وجاء شد شعره بالقوة
المشكلة قوي عيون مايهتم لكلامي ويوقف قدامي ويقول بعيون قويه بطقه وغصباً عليك تخيلوا عمره 7 سنين ويقول هالكلام
وطبعا كل شيء يحصل قدام امه ولا مسويه شيء ومره يبي يدخل في فم ولدي كورة صغيرة
وغيرها كثير لو احكي ماأخلص ,,, صرت ماأحب أروح هناك والسبب هو
بس خوات زوجي يتصلون علي ويقولون تكفين تعالي جيبي ولدك كل ماشفناه تذكرنا اخونا ولاتحرمينا من شوفته
ويعتذرون مني من تصرفات ولد أخوهم اللي عمره 7 سنين
وأنا مابي أزيد النار حطب واروح وكل مره اقول أخر مره مع العلم شقاوته أكثرها على ولدي
وعنده أخوه اللي عمره سنتين مايطقه ولا يسوي فيه شيء
هذا غير حركاته لو بكتبها ماراح أخلص يسحب الشنطة وينثر الأغراض ويكب الحليب ويحوس في الأغراض يعفسها ويخربها
وامه تشوفه تقول له تأدب وباقوم لك ولا تقوم الا بعد مايخرب كل شيء وهو ينحاش وشوي ويرجع
ويقومون له خوات زوجي بس مايجيب خبرهم يطقهم بعد ويرمي عليهم الأغراض
المهم صرت ماأروح الا بالأسبوع مره وهالمره عن 10 مرااااات وقلت خلني أكلم أمه بيني وبينها
وكلمت أمه بالتلفون بيني وبينها وبكل احترام أو انا اقدر احرجها قدامهم وأقول لها امسكي ولدك لا ادبه بأسلوبي
بس ماحبيت أحرجها ولا هي من أخلاقي
وقلت لها يافلانه أنا ماودي أحرجك والله بس ولدك تعبني وجنني وأنتِ امه واكيد تعرفين لولدك وياليت لو جاء بيطق أو بيعمل حركات تقومين له مو بس بالكلام تكلمينه
لأنها شوفه عينك مايجيب خبر الكلام أو تفاهمي معه بأسلوبك
تخيلوا وش ردت علي قالت وش قصدك ولدي مو متربي أو تبني اقوم أطق ولدي وأدوس في بطنه علشان أرضيك
وكلام كثير مااتذكره من كثر ماردها صدمني
قلت لها أنا تكلمت معك بأدب وأسلوب وماغلطت على ولدك ولا قلت طقيه ولا جبت طاري طق
بس اذا ماتبين تمسكينه عني وعن ولدي بتخليني أنا بتفاهم معاه بطريقتي وأنا مابي أسبب حرج لك قدام أحد
وقلت لها أنا مابي أحرم نفسي وولدي من شوفه أهل زوجي علشان ولدك
وقلت هو كبير وفاهم وماشاء الله عليه ماأشوفه يطق اخوه
المهم وقفلت السماعة بوجهي ولما رحت بيت أهل زوجي ودخلت بس شافتني ماردت علي السلام وأخذت عيالها وركب فوق لشقتها
وطبعا ماأحد يدري بلي صار بيني وبينها
بعد هالمره رحت وماكانوا موجودين طالعين وهالكلام قبل أسبوعين وأنا بطلع الا هم داخلين وكان معها زوجها الا هو أخو زوجي
وقال لي وين بتروحين يافلانه وقلت له بروح البيت قال عطيني الولد وحشني من زمان ماشفته وأخذه باسه
الا ولده كالعاده طق ولدي على راسه بالقوة وجت رده فعل أخو زوجي مباشرة عطى ولدي زوجتة وهي جنبه علشان تعطيني اياه ومسك ولده وطقه بعصبيه
وقال له ليه تطقه ؟؟؟ وهدده لو طقه مره ثانية راح يشوف شيء عمره ماشافه ,,, وطبعا ولده صاح من الطق
وكان شاري له حلويات من البقاله اخذها منه وقال له ماعاد اشتري لك الا اذا صرت رجال ومؤدب
وعطاني كيس الحلويات يقول اخذيه لولدك قلت له مابيه مشكور وولدي ماياكل
قال أدري بس أخذيه لك علشان يتأدب قلت لا مابيه قال اخذي لاترديني ابيه يتأدب ومارضيت وأخذ الكيس وطلع برى الشارع ورماه في الزبالة الكبيرة
المهم وأخذت ولدي وطلعت ,,,,واليوم الثاني اتصلت علي زوجته وتغلط بالكلام
تقول لي أنتِ حسوده وغيورة وتبين تخربين حياتي وتكرهين عيالي في ابوهم وووووو
كلام كثيررررررررررر,,,, وأخذتهم وراحت بيت أهلها علشان اللي حصل
ياسبحان الله مارضت على ولدها أبوه يطقه وترضى على الناس تنطق وتنسب من ولدها عادي
المهم الحين هي في بيت أهلها وتقول مابرحع الا لما ترجع كرامه ولدي وكرامتي اللي دست عليها قدام زوجة أخوك
وهو طبعاً مطنشها ويقول مثل ماطلعت بنفسها ترجع بنفسها ,,,, وهي الغلطانة واللي كبرت راسها
والكل طبعا يشوفها هي غلطانة ومالها داعي حتى خوات زوجي يقولون ماعليك منها لاتجيبين خبرها
بس بنفس الوقت متضايقة واحس أنا سبب المشكلة وأبي الأمور ترجع لمجاريها قبل لا أسافر
برايكم وش أسوي ؟؟؟؟ أدري هي الغلطانة بس ماأحب تحصل مشاكل أنا سببها
مع التحية / أصيلة
أصيلة المجد @asyl_almgd
عضوة فعالة
يلزم عليك تسجيل الدخول أولًا لكتابة تعليق.
اتركيها ولا تهتمي منها ،أنت لم تخطئي بحقها وزوجها وأهله يعرفون أن الغلط منها
فلا تشغلي بالك بها وبمشاكلها واهتمي بابنك واستعدي للسفر ولقاء زوجك والله يحفظك ويرعاك.
فلا تشغلي بالك بها وبمشاكلها واهتمي بابنك واستعدي للسفر ولقاء زوجك والله يحفظك ويرعاك.
لاياحبيبتي موانتي السبب صغر عقلهاالسبب ليه ماتمسك ولدها اوعلى الاقل تعطيه كف على وجهه
ولدها موذي خليها لاتفكرين فيهاانتي ماغلطي ومن حقك تدافعين عن نفسك وعن ولدك وكلمي اهل زوجك
قوليلهم ابي اجيكم بيوم الولد وامه مايكونون موجودين عندكم مااقدراجيكم وهم موجودين
الله يعينك
ولدها موذي خليها لاتفكرين فيهاانتي ماغلطي ومن حقك تدافعين عن نفسك وعن ولدك وكلمي اهل زوجك
قوليلهم ابي اجيكم بيوم الولد وامه مايكونون موجودين عندكم مااقدراجيكم وهم موجودين
الله يعينك
ولا تفكري فيها مارحمت ولدك يوم ينطق خليها
كويس انه ابوه شافه عجبني انه ضربه مو مثل امه ماتحركت
كويس انه ابوه شافه عجبني انه ضربه مو مثل امه ماتحركت
الصفحة الأخيرة
وعلى قولتهم دام راحت من حالها خليها
هي الغلطانه وتربيتها استغفر الله بس جد ناس ترفع الضغط
دام الكل شايفك ما غلطتي بشي خلاص احمدي ربك كيف لو وقفوا في صفها ضدك
سبحانك اللهم وبحمدك اشهد ان لا اله الا انت استغفرك واتوب اليك