ركايز

ركايز @rkayz_1

فريق الإدارة والمحتوى

عطوني حل كسبت ذنب البرتقال

المنزل والديكور

يبنات الله يخليكم عطوني حل للمشكله هاذي كل سنه اعاني منها اناعندي حديقه كبيره بالبيت وفيها شجر برتقال
لاكن مامنه فايدة لان البرتقال حامض على مراره والله ان الليمون اهون منه والمشكله عندنا مزارع وغيرلها التربه
بس مافيه فايده والشجر كثير وابو العيال موراضي يسمع نصيحتي ويشيله وكسبت ذنب بالبرتقال والله كراتين
بعض الاحيان اعصر منه على السلطه بس العيال مايكلونه وابو العيال يقول حلو علشان ماتشمت فيه
اللي عندها فكره تسعفنا فيها واللي يرحم والديكم ويحرم وجيهم عن النار واللي تنجح طريقتها لدعيلها
كل ماطلع البرتقال على الشجر
14
1K

يلزم عليك تسجيل الدخول أولًا لكتابة تعليق.

تسجيل دخول

كتشوبه
كتشوبه
وزعي على جيرانكم..............وأهلك وأهله ومعارفكم

تصدقي منه على العمال((الهنود والبنغاليه))

وممكن تغليه مع مويه على النار أذا صرتي تقلين بالزيت عشان يشيل ريحة القلي من البيت

سوي كيك بالبرتقال....

دوري على خلطات للشعر والبشره فيها برتقال

والباقي بعد هذا كله.... جمعيه وعطيه أي أحد عنده حيوانات وانتي بكرامه((غنم مثلا))....{في كل كبد رطبه صدقه}


وان شاء الله أكون أفدتك
دانه ..
دانه ..
اعملي مربى البرتقال واستتخدمي القشور في تعطير المطبخ
حوتة
حوتة
اب
لمسة ذوق جنو بيه
الي اعرفه انه يحط لها غصن من برتقال يكون حلو وتسمى طريقة التطعيم على ما عتقد يعني يجيب شجره لسه صغيره وينوخذ غصن ويقطع مايل شوي وفي نفس الشجره نجهز احد الاغصان للغصن الي من شجره حلوه وتتشبك مع بعض بلستك وبعدين ينمو ويصير حالى بس مادري ينفع لم تكون الشجر كبرت او ماينفع ياليت تسألو معهد زراعي اواحد متخصص في الزراعه
السعد وعد
السعد وعد
من وصفك طعمه مثل قريبا فروت وهو ممتاز للكلسترول وسحب الدهون من الجسم وتخفيف الوزن

لكن اذا ماتقبلتوه ممكن تتفقين مع احد من الفقراء الثقات يجي ويشيلها ويوزعها على ناس مايلقوون لقمه

ياكلونها

اذا انتي بالرياض وتبين رقم ثقه ارسلي لي..