عطوني حل كيف اتصرف مع زوجي الي مفشلني عند الناس

السلام عليكم ورحمه الله وبركاته


كيفكم يابنات ان شاء الله كلكم بخير وصحه وسلامه وربي يعطي كل وحده فيكم الي ببالها ويحقق امانيكم ياااااااااارب
مشكلتي قديمه لها سنين من يوم تزوجت بس خلاص طفح الكيل زوجي مايحب يزور امه لاسباب انها دايم تطلبه فلوس ودايم تتكلم علي خلق الله فلان سوا ومرت اخوك قالت واخوك بيسافر وفلان تزوج علي زوجته يعني مايحب يروح عندها وياما نصحته مافي فايده بس مو هنا القهر القهر يحط اللوم علي قدام امه وأهله يعني امه تدق ليه ماجيت والله زوجتي موديها مشوار او تعبانه او تقول الأسبوع الجاي تخيلو كيف نظره امه لي اكيد بتقول هذي انسانه حقيره مبعده ولدي عني والله نفسي يوم افقع فيه واصارحها والي يصير يصير


ومو بس مفشلني عند اهله وامه عند غالبيه الي نعرفهم احنا شقتنا اجار وانا اعرف زوجه صاحب الملك زوجي اخر الاجار شهر واسبوع لانه كان ماعنده تخيلو يوم سدد الاجار بعدها بكم يوم جايه زوجه صاحب العماره عندي تتقوي تقول لي والله انتي قويه قلت لها ليش تقول عارفه لزوجك صح اجل تاخذين فلوس الاجار وتاخذين لك ذهب فيهم وتضحك انا وربي باقي شوي وتنزل دمعتي بالله هذا كلام يقوله للرجال هذا عذر ورجع من بره وخناااق معاه حتي قلت ودني لاهلي بتفشلني قدام الناس وياخذون عني وعنك فكره سيئه انك خروف وانا مسيطره وكم يوم ونفس الشي مايتغير وصاحبه يعزمه وانا عااادي ودي اطلع وهو مايبي مشغول قال له زوجتي عندهم زواج وتتصل علي زوجه صديقه وتقول وش دعوة ماتعزمين انا من الفشله قلت لها لا حفله عائليه يعني صرت مسيلمه الكذاب من كثر ماارقع له وهو ماشي ويشلخ علي خلق الله ويتعذر فيني وش اسوي انا الي عندها نفس مصيبتي تعطيني حل والله كذا مره يجي ببالي افشله وافضحه بس أقول كيف زوجي ورجال كيف اطلعه كذاب قدام الناس بس وربي طفشت حتي مره أبو زوجي يسالني ليه ماتجي ماتبينا قلت له من ولدك قال لا يقول كنتي مريضه قلت له وربي شلاخ تبي بحلف لك علي المصحف حتي ابوة طارت عيونه بس سكت وش اسوي عطوني حل لاني تعبت من تصرفاته وخاااصه مع امه الله يخليها بدت تكرهني موووووت وحاسه اني السبب ببعد ولدها عنها وحتي اخوانه وأهله وخواته نظراتهم لي اني انسانه حقيره ومسيطره علي زوجي ومانعته عن اهله مع انه بينا وبينهم بالسياره 10 دقايق بس تكفون ربي يعطيكم الجنه لا تطنشون موضوعي وعطوني حلول بدت اطفش