عواطف تركي . :

وعليكم السلام ورحمة الله وبركاته اهم شي الصحه والعافيه والباقي يهون اما بخصوص ان جسمك ماشاء الله حرقه سريع فلازم تزيدين السعرات الحراريه خلال يومك فوق معدل حاجة جسمك ب 500 سعرة زيادة على الاقل و أحد الطرق اللي تساعدك تزيدين سعراتك الحراريه هي المكسرات بالعسل خذي مرطبان او جار زجاجي نظيف وحطي فيه 1 كاس سمسم مطحون + مكسرات مطحونه حسب المتوفر اما فول سوداني او عين الجمل او كاجو او فستق او من كل نوع شوي مو مشكله ولا تبالغين في طحنهم عشان ما يتحولون لزبده وبس اخلطي السمسم مع المكسرات وحطيهم في العلبه ثم صبي فوقهم عسل كميه تكفي انهم يختلطون مع بعض ولا تبالغين بالعسل واذا ماعندك عسل ترى حتى النوتيلا تنفع اذا العلبه بقى فيها اقل من النص بشوي اطحني السمسم واخلطيه معاه حتى بدون مكسرات ينفع وبعد كل وجبه كلي منه ملعقه الى ملعقتين مليانه ومع وجباتك حطي ملعقه زيت زيتون على المقبلات الطحينه والمتبل والحمص واذا بتاكلين تمر غمسيه بالطحينه السايله قبل تاكلينه وفي عصير مكوناته سعراتها الحراريه جداً مرتفعه لو تستمرين عليه 10 أيام متواصله بتلاحظين زيادة في وزنك ابحثي عنه بالنت وبتلاقين كابتشر لمكوناته بس اكتبي عصير التسمين دكتوره هند وادخلي على الصور وبتلاقينها ومو شرط تسوين العصير كل يوم يعني نوعي مره مكسرات مره عصير وفي بالصيدليات نوع بروتين خاص للتسمين يجي بنكهات مثل شوكلاته ابحثي عنه بموقع صيدلية النهدي والدواء وشوفي صورته ومكوناته وطريقة استخدامه هذا البروتين مليان سعرات حراريه لدرجة ان سعراته عن وجبتين

وعليكم السلام ورحمة الله وبركاته اهم شي الصحه والعافيه والباقي يهون اما بخصوص ان جسمك ماشاء الله...