عطوني حل لطفلي العنيد

حاولي طنشي حتى لو صفق راسه الجدار بيتعود مع الأيام
الله يهديه ويصلحه يارب

تجاهلي سلوكه .. لكن لو وصل مرحلة انه يؤذي نفسه مثل ضرب راسه بالجدار فلاااازم تلفتين انتباهه لمثير آخر بدون ما تبينين ان ضرب راسه للجدار أثّر فيك..
مثال:
اذا بكى تجاهليه الين تشعرين انه راح يبدأ بالسلوك اللي يؤذيه الفتي انتباهه بأي شيء وبطريقه غير مباشره.. مثلا تفتحين اليوتوب على شي بصوت عالي وتتظاهرين بالضحك والحماس او تصلحين اي شي ممكن يلفت انتباهه ويشغله عن ضرب راسه بالارض او الجدار...
انتي وابوه خط احمر.. لا يمد يده عليكم ولا يحذفكم لازم يتعلم ان فيه حدود لغضبه وعصبيته ما يتجرأ يتعداها.... صيري صاارمه جدا وجاده وثبتيه وقولي (لا احنا ما نضرب).. كل مره يكررها كرري الجمله .. اذا استمر قولي (لا احنا ما نضرب) (اذا ضربت راح اوديك غرفتك) استخدمي جمل مفيده وقصيره جدا ولا تتعبين في الشرح لأن لساته صغير..
كوني قد كلمتك معه.. اذا قلتي شي نفذيه لو انك تجرين نفسك من فراش المرض جر...راح يتعلم خلال اسبوع ثقي في كلامي تمام الثقه..
واهم شي لازم لازم لازم تتحدين وتتعاونين انتي وابوه وتتفقون على كل شي ولا تناقضون بعض قدامه مهما يكون...
ملاحظه:
اذا اعطيته الامر (لا احنا ما نضرب) ووقف لازم لازم لازم تعززينه على طول بقول (شاطر انت تسمع الكلام) وعطيه شي يحبه.. استمري في كل مره يسمع كلامك بتعزيزه مباشرة واجلسي كذا لمدة الين تلاحظين انه بدأ فعليا ينصاع لك وبعدها مره عززيه مباشرة ومره لا.. بعدين مره تعززينه ومرتين لا.. وبكذا تسحبين التعزيز تدريجيا ويبقى سلوكه الايجابي...