عطوني حل للطرفين الله يسعدكم 🙏😓

ااالسلام عليكم ورحمة الله وبركاته
ابي نصائحكم بحكمه الله يسعدكم ابي ارتاح
انا موظفه رزقت بمولود قبل فتره ولله الحمد اول ماحسيت بتعب الولاده قدمت على اجازه لمدة سنه بدون راتب وقربت اللحين تنتهي ومضطره ارجع للدوام بحكم ان علي قرض وتراكم علي ولازم ارجع اباشر حتى ينزل الراتب واقدر اسدد القرض
( دوامي بالغربيه وزوجي موظف بالجنوب وأهلنا بالشمال ) الوضع مره متشتت لكن الحمد اله على كل حال ع شان كذا اضطريت اخذ اجازه سنه
مشكلتي مع امي وام زوجي ع شان المولود
امي تبغاني اخليه عندها وام زوجي تطلبني من جهه ثانيه حتى اترك الصغير عندها
مدري اراضي مين واترك مين
اقولكم وضع العائلتين حتى تقدرون تحكمون بعدل لأني تشتت تفكيري من هالموضوع
امي الله يطولي بعمره كبيره بالعمر مافيها شده لما تقوم او تتحرك تتعب بسرعه ، عندها اختي لكن مهي من النوع اللي يتحملون الصغار او يهتمون فيهم مرات تلعب معاه لما يكون هادي وساكت واول مايبدا يتعكر مزاجه تتركه ع طول
ام زوجي موظفه شبابيه ماشاء الله عندها بالبيت بنتين قالتلي اذا تركتي الصغير عندي مستعده اخذ اجازه بدون راتب واجلس اراعيله
وضع بناتها مع ولدي لما اكون عندهم حيل متعلقات فيه وبالهم وسيع حيل معاه الحمد لله ويقومون فيه
زوجي رافض اخذ الصغير معاي لما اسافر يقول كيف تقدري تأمني على الصغير بحضانه هناك ولا تأمني عليه عند اهله وناسه
اتوقع حتى انتم تعبتو بمجرد قريتو الموضوع 😅
عطوني حل الله يسعدكم بنات اتركه عند مين واراضي مين وش اسوي بالضبط انصحوني 🙏😓
مابي ازعل احد شسوي